ގާފަރު ގެސްޓް ހައުސްއެއްގައި މަރުވެފައި އޮއްވާ ފެނުނު ނާޖިލާ
ނާޖިލާގެ މަރު: އިތުރު މީހެއްގެ ބައިވެރިވުމެއް ފެންނާކަށް ނެތް
އަޙްމަދު ޝަބީން
26 މާރޗް 2022 - 06:53:55
މިދިޔަ ހޯމަ ދުވަހު ކ.ގާފަރު ގެސްޓު ހައުސްއެއްގައި މަރުވެފައި އޮއްވާ ފެނުނު ނާޖިލާ ލުތުފީގެ މަރުގެ މައްސަލައިގައި އިތުރު މީހެއްގެ ބައިވެރިވުމެއް އޮތްކަމަށް ފެންނާކަށް ނެތްކަމަށް ފުލުހުން ބުނެފިއެވެ.
އއ.ބޮޑުފުޅަދުއަށް ނިސްބަތްވާ އުމުރުން 27 އަހަރުގެ ނާޖިލާ ލުތުފީ މަރުވެފައި އޮއްވާ ފެނުނީ, އޭނާގެ ހަބަރެއް ނުވެގެން ގެސްޓު ހައުސްގައި އޭނާ ހުރި ކޮޓަރި ބެލުމުންނެވެ.
މި މައްސަލައާއި ބެހޭގޮތުން “ސީއެންއެމް”އިން ސުވާލުކުރުމުން ފުލުހުން ބުނީ މައްސަލައިގެ ތަހުގީގު މުޅިން ނުނިމޭތީ އަދި ވަކި އެއްޗެއް ދަންނަވަން ދަތި ކަމަށާއި, މިހާތަނަށް ބެލި ބެލުމުން މި މައްސަލައިގައި މީހެއްގެ ބައިވެރިވުމެއްް އޮތްކަމަށް ފެންނަން ނެތް ކަމަށެވެ.
''މިހާތަނަށް ބެލި ބެލުމުން މައްސަލައިގަ މީހެއްގެ ބައިވެރިވުން އޮތްކަމަށް ފެންނާކަށް ނެތް. މައްސަލަ ދަނީ ތަހުގީގު ކުރަމުން. އަދި ފުލުހުން ދަނީ މައްސަލައާ ގުޅިގެން އަންހެން މީހާގެ އާއިލާއާއެކީ މަސައްކަތް ކުރަމުން.'' ފުލުހުންގެ އޮފިޝަލަކު ވިދާޅުވިއެވެ.
ގާފަރު ކައުންސިލުން މައުލޫމާތު ދީފައިވާ ގޮތުން ނާޖިލާ އެ ރަށަށް ގޮސް އުޅުނީ އެކަންޏެވެ. އަދި ގެސްޓު ހައުސްގައި ވެސް އުޅެފައިވަނީ އެކަންޏެވެ.
ނާޖިލާގެ ހަށިގަނޑު މާލެ ގެނެސް ވަޅުލީ މިދިޔަ ބުދަ ދުވަހުގެ ފަތިސް ނަމާދަށްފަހުގައެވެ.
0%
ކަމުގޮސްފި
0%
އަޑުއެހިތާ މިހުރީ
100%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
