މޫނު މަތިން 50 އަހަރުން މަތީގެ މީހެއްގެ ގޮތްގަނޑު ފެންނަން ހުރި ޔަޝައުގެ އިހުސާސްތައް ހިމެނޭ ގޮތަށް ލިޔެ "ސީއެންއެމް" އިން ގެނެސްދިނުމާ ގުޅިގެން، ޔަޝައު ބުނީ ބުލީގެ ޝިކާރައަކަށްވެ، ތައުލީމާއި، އާންމު ދިރިއުޅުމަށް ބޭނުންވާ ވަޒީފާ އެއް ނުލިބި، މުޖުތަމައުގެ އެތައް ކަމަކުން މަހުރޫމްވެ، އެތައް ދޮރެއް ބަންދުވެފައި ވަނިކޮށް، އޭނާގެ އިހުްސާސްތައް އާންމުނާ ހަމަޔަށް ތިލަވެގެން ދިޔައީ، މިދިޔަ ހުކުރު ދުވަހު، ސީއެންއެމުން ގެނެސް ދިން އާޓިކަލްގެ ސަބަބުން ކަމަށެވެ.
"ރާއްޖޭގެ މިފަދަ ފުރަތަމަ ކޭސް، އުފަންވި އިރުވެސް 60 އަހަރު" ހުކުރު ދުވަހުގެ ރޭ ލިޔެ ޕަބްލިޝް ކުރި އެ އާޓިކަލް އަށް ހޮނިހިރު ދުވަހުގެ ރެ އާ ހަމަޔަށް 146،568 ( އެއްލައްކަ، ސާޅީސް، ހަ، ހާސް ފަސްސަތޭކަ ފަސްދޮޅަސް، އަށް،) ވިއުސް ލިބިފައި ވާއިރު، 337 ޝެއާސް ލިބިފަ ވެއެވެ.
އެ އާޓިކަލް ގިނަ ބަޔަކު ޝެއާ ކޮށް އަދި ކިޔާފައި ވާއިރު، ރާއްޖޭގައި ހިންގާ ގިނަ ޕޭޖު ތަކުން ވެސް އެ އާޓިކަލް ޝެއާ ކޮށްފަ ވެ އެވެ. އެފަދަ ބައްޔެއް ތަހައްމަލް ކުރާ ހަމައެކަނި ފަރާތަކަށް ޔަޝައުވާ އިރު، އެއީ އޭނާ އަށް ބުލީކޮށް މުޖުތަމައު އިން އޭނާ ބާކީ ކޮށް، ދޮރުތައް ބަންދު ކުރަން ޖެހޭ ސަބަބެއް ނޫން ކަމަށާއި، އޭނާ އަށް އޮތް ލޯބި ދައްކަން ޖޭހޭ ކަމަށް ވެސް އެ ޕޭޖުތަކުން ގޮވާލާފައި ވެއެވެ.
ޔަޝައުގެ މަންމަ އާއި ބޮޑުބޭބެ އޭނާގެ ވާހަކަތައް "ސީއެންއެމް' އަށް ކިޔައިދެމުން ބުނީ، އޭނާ އަށް ކުރިމަތިލާން ޖެހިފައިވަނީ ރާއްޖޭން ނުފެންނަ ބާވަތެއްގެ ބައްޔަކާ ކަމަށެވެ. އެހެން ނަމަވެސް އެމީހުންގެ ލޯތްބާއި އޯގާތެރި ކަމާއި އަޅާލުން އެ މީހުންގެ ފަރާތުން ލިބޭ ކަމަށެވެ.
ޔަޝައު އެދެނީ އޭނާގެ ހުރި ތަފާތު ކަމާ އެކު ވެސް އޭނާ ބަލައި ގަތުމަށެވެ. ތަފާތު ކަމާ އެކު ވެސް އަމިއްލަ ފައި މައްޗަށް ތެދުވެ އެ ހުރަސްތަކުން އަރައިގަތުމަށް އޭނާއަށް ފުރުސަތު ދިނުމަށް އޭނާ އެދެ އެވެ.
