އިންޓަނޭޝަނަލް އެއިޑް ކެމްޕެއިން (އައިއޭސީ) އިން ލަންކާގައި ހާލުގައި ޖެހިފައިވާ މީހުންނަށް އެހީވާން ބޭނުންވާ ދިވެހިންނަށް އެ ފުރުސަތު ހުޅުވާލައިފި އެވެ.
Advertisement
ދުނިޔޭގައި ހާލުގައި ޖެހިފައިވާ މުސްލިމުންނަށް ދިވެހިންގެ އެހީތެރިކަމާއިއެކު އައިއޭސީން ވަނީ މީގެ ކުރިންވެސް އެހީތެރިކަން ފޯރުކޮށްދީފަ އެވެ. އެގޮތުން އެޖަމިއްޔާ “ލޯތްބާއިއެކު” ނަމުގައި އެންމެ ފުރަތަމަ ފެށީ ފަލަސްޠީން އާއިއެކު ޣައްޒާއަށް އެހީ ފޯރުކޮށްދިނުމައްޓަކައެވެ.
މިފަހަރު ލަންކާއަށް އެހީ ފޯރުކޮށްދިނުމަށް ނިންމާފައިވާއިރު، އައިއޭސީން ބުނީ ސްރީލަންކާގައި ހަރަކާތްތެރިވާ އައިއޭސީގެ ޕާޓްނަރުން ދަނީ ކާބޯތަކެތީގެ ޕެކޭޖްތައް ބެހުމުގެ ފަހުގެ ތައްޔާރީތައް މިހާރު ވަމުން ކަމަށެވެ.
"މީ އަޅުގަނޑުމެން ސްރީލަންކާގައި ބަހާނެ ފުރަތަމަ ބުރު. މި ބުރުގެ ބެހުންތައް ކުރިއަށް ގެންދާނީ”ކިންނިޔާ” ގައި" އައިއޭސީން ބުންޏެވެ.
އެންމެ ބޮޑަށް ހާލުގައި ޖެހިފައިވާ ފަރާތްތައް ދެނެގަތުމަށްޓަކައި ތަކެތި ބަހާނެ އާއިލާތަކުގެ ލިސްޓެއް ހޯދުމަށް ލަންކާ ސަރުކާރުގެ ކަމާބެހޭ އިދާރަތަކުގައި އެދިފައިވާނެ ކަމަށާއި، އެ ލިސްޓު ލިބުމާއި އެކީ ލަހެއް ނުވެ ބަހަން ފެށޭނެ ކަމަށް އައިއޭސީން ބުނެއެވެ.
އަދި އުންމީދު ކުރަނީ މާދަމާ އެތަކެތި ބަހާނިންމާލުން ކަމަށް އައިއޭސީން ބުނެއެވެ. އިތުރު ބެހުންތައް އެހެން ހިސާބުތަކުގައިވެސް ކުރިއަަށް ދާނެ ކަމަށް އައިއޭސީން ބުނެއެވެ.
ލަންކާގައި ހާލުގައި ޖެހިފައިވާ މީހުންނަށް އެހީވުމަށް "ލޯތްބާއިއެކު" ހުޅުވާލާފައިވާ ފުރުސަތުގައި އެހީ ފޯރުކޮށްދިނުމަށް ބޭނުންވާ މީހުން ފައިސާ ފޮނުވާނެ ގޮތް:
ބީއެމްއެލް އިސްލާމިކް އެކައުންޓް ނަމްބަރު: 7770000062740
އެކައުންޓް ނަމްބަރު: 7770000062740
ބަހަން ތައްޔާރުކޮށްފައިވާ އެހީގެ ތަކެތި----
އައިއޭސީން ބުނީ އެމީހުންގެ އެހީގެ ޕެކޭޖުތައް ހެދިފައިވާނީ ޕްރޮޖެކްޓް ހިންގުމާއި ބެލެހެއްޓުމާއި، ދެމެހެއްޓުމާއި، އިދާރީ ހިންގުމާއި ތަރައްގީއަށް ދާނެ ކަމަށް ލަފާކުރެވޭ ހަރަދުތައް ހިމެނޭގޮތަށް އެވަރެޖް 12.5 ޕަސެންޓު ހިމެނޭގޮތަށް ކަމަށެވެ.
ލަންކާގައި ހިނގަމުން ދިޔަ ބޮޑެތި މަސްރޫއުތަކުގެ ލޯނު އަނބުރާ ދައްކަންޖެހުމާއި އެކު ލަންކާއަށް ވަނީ އިގްތިސާދީ ގޮތުން ބޮޑެތި ގޮންޖެހުންތަކާއި ކުރިމަތިލާން ޖެހިފައެވެ. އެގޮތުން ތެޔޮ ލިބުމަށް ދަތިވެ، ދުވާލަކު ފަސް ގަޑިއިރަށް ކަރަންޓުގެ ހިދުމަތް މެދު ކަނޑާލުމަށް ވެސް ލަންކާގެ ސަރުކާރަށް މިދިޔަ ފެބްރުއަރީ މަހުން ފެށިގެން ވަނީ މަޖުބޫރު ވެފައެވެ.
ފަހަކަށް އައިސް ކަރަންޓް ކަޑައިގެންދިއުމުގެ އުދަގޫވެސް ސްރިލާންކާގެ ރައްޔިތުންނަށް ވަނީ ވަރަށް ބޮޑަށް ތަހަންމަލުކުރަންޖެހިފައެވެ. އެކަމާއި ގުޅިގެން އެގަައުމުގެ ޔުޓިލިޓީ ކޮމިޝަނުގެ ޗެއަމަން ޖަނަކާ ރަޓްނަޔަކެ ވިދާޅުވީ، އެއީވެސް ތެޔޮ ލިބުމުގައި ހުރި ދަަތިތަކުގެ ސަބަބުން ދިމާވަމުންދާ މައްސަަލަތަކެއް ކަމަށެވެ. އަދި މިވަގުތު ލަންކާ ތަހަންމަލު ކުރަމުންދަނީ "އިލެކްޓްރިސިޓީ ކްރައިސެސް" އެއް ނޫންކަމަށާއި، "ފިއުލް ކްރައިސެސް"އެއް ކަމަށް އޭނާ ބުންޏެވެ.
މީގެ އިތުރުން ސްރީލަންކާގެ ކާބޯތަކެތީގެ އަގުތައް އިންތިހާއަށް މައްޗަށް ގޮސް، ގޭސްފަދަ އަސާސީ ވަސީލަތްތައް ވެސް ލިބުމުގައި ދަތިތަކާއި ދަނީ ކުރިމަތި ލަމުންނެވެ.
ލަންކާއަކީ ރާއްޖޭގެ ގިނަ ކިޔަވާކުދިންނެއް ވެސް އެތަނުގައި ވަޒަންވެރިވެ ތައުލީމު ހާސިލުކުރަމުން އަންނަ ގައުމެކެވެ. މިކަމުގެ ސަބަބުން މިފަދަ ދަރިވަރުންތަކަށް އަންނަނީ ތަފާތު އެކި ވަރުގެ އުނދަގޫތަކާއި ކުރިމަތިލަމުންނެވެ.
ސްރީލަންކާގެ އިގްސޯދީ ބޮޑު ހީނަރުކަމަކަށް ގޮސްފައި މިވަނީ ކޮވިޑް-19ގެ ސަބަބުން ދިމާވި އިޤްތިސާދީ ހީނަރުކަމާއި ގުޅިގެން ފަތުރުވެރިކަން މެދުކެނޑުމާއި އެކުއެވެ. ލަންކާގެވެސް މައިގަނޑު އިޤްސާދު ބިނާވެފައި އޮންނަނީ ފަތުރުވެރިކަމުގެ ސިނާއަތުން ލިބޭ އާމްދަނީގެ މައްޗަށެވެ.
