މިނިސްޓަރު މާރިޔާ މިހެން ވިދާޅުވީ މިއަދު އިންޑިއާގެ ޗީފް އޮފް ނޭވީ ސްޓާފް އެޑްމިރަލް ހަރީ ކުމާރް އާއި މިނިސްޓްރީ އޮފް ޑިފެންސް ގައި މިއަދު ބައްދަލުކުރައްވަމުންނެވެ.
މި ބައްދަލުވުމުގައި ދެ ފަރާތުން ވަނީ ދިވެހިރާއްޖޭގެ ކަނޑުގެ ސަރަަހައްދު ބެލެހެއްޓުން އިތުރަށް ހަރުދަނާ ކުރުމާއި ގުޅޭގޮތުން މަޝްވަރާ ކުރައްވާފައެވެ.
މާރިޔާ ވަނީ ދިވެހިރާއްޖޭގައި އަޅާ ޑޮކްޔާޑް ބަނދަރާއި، "ސިފަވަރު" ކޯސްޓްގާޑު ބަނދަރާއި ގުޅޭ ރިޕޯޓް ރިވިއުކުރުމުގެ މަސައްކަތް މިހާރު ކުރިއަށް ދާކަން ހާމަކުރައްވާފައެވެ.
އުތުރު ތިލަފަޅު ޕްރޮޖެކްޓަށް "ސިފަވަރު" ގެ ނަން ދެވުނީ ކުރީގެ ރައީސް އަބްދުالله ޔާމިންގެ ވެރިކަމުގައި 2014 ވަނަ އަހަރުގެ މާރިޗު މަހުގެ ތެރޭގައެވެ.
ދިވެހިރާއްޖެއާއި އިންޑިއާއި ދެމެދު 2021 ވަނަ އަހަރުގެ ފެބުރުއަރީ މަހުގެ ތެރޭގައި އުތުރުތިލަފަޅުގައި އަޅާ އަސްކާރީ ބަނދަރު ބަލަހައްޓައި، މެެއިންޓެއިންކޮށް ސަޕޯޓް ކުރުމުގެ އެއްބަސްވުމެއްގައި އިންޑިއާއާއި ދިވެހިރާއްޖެއާއި ދެމެދު ވަނީ އެއްބަސްވެފައެވެ.
ނަމަވެސް މި އެއްބަސްވުމުގެ މައުލޫމާތު އެމްއެންޑީއެފުން ހާމަކުރުމަށް ވަނީ ދެކޮޅު ހަދާފައެވެ. އެ އެއްބަސްވުމުގައި "ކަންބޮޑުވާންޖެހޭ ކަމެއް ނެތް" ކަމަށް ސިފައިން ވަނީ ރައްޔިތުންގެ މަޖިލީހަށް ހާޒިރުކުރުމުން ބުނެފައެވެ.
މިނިސްޓަރު މާރިޔާ އާއި ސަރުކާރުގެ އިސް އިދާރާތަކުގެ ވެރިން
އިންޑިއާގެ ކަނޑުގެ ލަޝްކަރުގެ އެންމެ އިސްވެރިއާ ދިވެހިރާއްޖެއަށް ކުރައްވަމުން މުގެންދަވާ ދަތުރުފުޅަކީ މިމަހު 17 ވަނަ ދުވަހުން ފެށިން 20 ވަނަ ދުވަހުގެ ނިޔަލަށް ކުރައްވާ ދަތުރުފުޅެއް ކަމަށް އެމްއެންޑީއެފުން ބުނެއެވެ.
މި ދަތުރުފުޅުގައި މިނިސްޓަރު މާރިޔާގެ އިތުރުން ރައީސުލްޖުމްހޫރިއްޔާ އިބްރާހިމް މުހައްމަދު ސާލިހާ ވެސް ބައްދަލުކުރައްވާނެއެވެ.
