މާޒިޔާ ކޯޗު ޖެސިކް
އޭއެފްސީ ކަޕް: ޕްރެޝަރެއް ނެތް، ބޭނުންވަނީ ހުރިހާ މެޗަކުން މޮޅުވާން
ސްޕޯޓްސް ޓީމް
17 މޭ 2022 - 22:39:53
މާޒިޔާއަކަށް އޭއެފްސީ ކަޕުގައި ޕްރެޝަރެއް ނެތް ކަމަށާއި ބޭނުންވަނީ ހުރިހާ މެޗަކުން މޮޅުވާން ކަމަށް، މާޒިޔާގެ ކޯޗު ސާބިއާގެ ކޯޗު މަޔޮޑްރަގް ޖެސިކް ބުނެފިއެވެ.
އޭއެފްސީ ކަޕުގައި މިއަހަރު މާޒިޔާ ކުޅެން ޖެހޭ ފުރަތަމަ މެޗުގައި މާދަމާ ރޭ ނުކުންނާނީ ބަންގްލަދޭޝްގެ ޗެމްޕިއަން ބަޝަންދުރާ ކިންގްސްއާ ދެކޮޅަށެވެ. މިދިޔަ އަހަރުވެސް އޭއެފްސީ ކަޕުގައި މި ދެ ޓީމު ވާދަކުރިއެވެ. އެ މެޗު ދެ ލަނޑު ސުން ލަނޑުން ބަޝަންދުރާ ކާމިޔާބުކޮށްފައިވާއިރު، މާޒިޔާ މިދިޔަ އަހަރުގެ އޭއެފްސީ ކަޕް ނިންމާލީ ކުޅުނު ތިން މެޗުންވެސް ބަލިވެގެންނެވެ. ޖެސިކް ބުނީ މި ދިޔަ އަހަރަކީ މާޒީ ކަމަށާއި އެކަމުގެ ވާހަކަ ދައްކަން ބޭނުންނުވާ ކަމަށަވެ.
މިދިޔަ އަހަރަކީ މާޒީ. މިދިޔަ އަހަރުގެ ވާހަކަ ދައްކާކަށް ބޭނުމެއް ނޫން. އަހަރެން ދައްކަން ބޭނުންވަނީ މިހާރުގެ ވާހަކަ. އަހަރުމެން އައީ ހުރިހާ މެޗަކުން މޮޅުވާން. އަހަރުމެންނަކަށް އެއްވެސް ޕްރެޝަރެއް ނެތް.
އިންޑިޔާގެ ކަލްކަތާގެ ސޯލްޓް ލޭކް ސްޓޭޑިއަމްގައި ކުޅޭ މާޒިޔާ- ބަޝަންދުރާ މެޗު ފަށާނީ ރާއްޖޭ ގަޑިން ރޭގަނޑު އަށެއް ޖަހާއިރުއެވެ. އޭނގެ ކުރިން މާދަމާ ހަވީރު ކުޅޭ މެޗުގައި ވާދަކުރާނީ އިންޑިޔާގެ ދެ ޓީމު ކަމަށްވާ ގޯކުލާމް ކެރެލާއާ އޭޓީކޭ މޯހަން ބަގާންއެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
