އެޗްޑީސީގެ މެނޭޖިން ޑިރެކްޓަރު ސުހެއިލް އަހުމަދު ސީއެންއެމް އަށް ވިދާޅުވީ ސޮޕިން މޯލްތައް ހަދާނީ ދެ ވަނަ ފިޔަވަހީގައި ހުރި ވިޔަފާރި ގާޑިޔާތައް ނެގުމަށް ފަހު އެ ތަންތަނުގެ ބަދަލުގައި މިހާރަށްވުރެ ހަރުދަނާ ނިޒާމެއް ގާއިމު ކުރުމުގެގޮތުން ސޮޕިން މޯލްތަކެއް އިމާރާތް ކުރުމަށް މިހާރުވަނީ ނިންމާފަ ކަމަށެވެ.
ދެވަނަ ފިޔަވަހީގައި ގަވައިދާ ހިލާފަށް ގާޑިޔާތަކެއް ހަދައިގެން ވިޔަފާރި ކުރަމުން ގެންދާތީ އެޗްޑީސީން އިއްޔެ ވަނީ އެ ގާޑިޔާތައް ނެގުމަށް ފަހު އެސަރަހައްދު ސާފުކޮށްފަ އެވެ.
ސުހެއިލް ވިދާޅުވީ ދެވަނަ ފިޔަވަހީގައި ހަދާ ސޮޕިން މޯލްތަކުގެ ޑިޒައިން މަސައްކަތް މިހާރު ކުރިއަށްދާ ކަމަށެވެ. އަދި ވިދާޅުވީ އަވަސް މުސްތަގުބަލެއްގައި ސޮޕިން މޯލްތަކުގެ މަސައްކަތް ފެށޭނެ ކަމަށް އުންމީދު ކުރައްވާ ކަމަށެވެ.
ހުޅުމާލޭ ދެވަނަ ފިޔަވައްސަކީ ގިނަ އަދަދެއްގެ ބަޔަކު ދިރިއުޅެމުންދާ ތަނަކަށްވާއިރު ދެ ވަނަ ފިޔަވަހީގައި ޖުމްލަ 16 ޓަވަރު ތަރައްގީކޮށްފައިވެ އެވެ. އަދި މި އިން ކޮންމެ ޓަވަރެއްގައި 25 ފްލޯ ހުރެ އެވެ.
