އއ. އުކުޅަހުގައި މިއަދު ބޭއްވި "ވިޔަވަތި" ކޮންފަރެންސް ފައްޓަވައިދެއްވަމުން ރައީސް ވިދާޅުވީ މިފަދަ މައްސަލަތައް ހުއްޓުވުމަށް ސަރުކާރާއި ކަމާއިބެހޭ އިދާރާތަކާއެކު މަޝަވްރާ ކުރުން އިތުރު ކުރަންޖެހޭ ކަމަށެވެ.
"ވިޔަވަތި ރާއްޖެ" ކޮންފަރެންސް އެއް ބާއްވައި ރައީސް ސޯލިހު މިއަދު ވަނީ ކައުންސިލްތަކުގެ ރައީސުންނާއި އަތޮޅު ކައުންސިލްތަކުގެ ރައީސުންނާއި އަންހެނުންގެ ތަރައްގީއަށް މަސައްކަތްކުރާ ކޮމެޓީ ތަކާއި ބައްދަލުކުރައްވާފަ އެވެ.
ރައީސްގެ ވާހަކަފުޅުގައި ސިފަކުރެއްވީ ގައުމުގައި ހުރި މިފަދަ މައްސަލަ ތަކަކީ އިތުތިމާއީ ބޮޑެތި މައްސަލަތަކެއް ކަމުގަ އެވެ. އަދި ހައްލު ހޯދުމުގެ ގޮތުން މަޝްވަރާ ކުރުމާއި މިފަދަ ކުއްތައް ހުއްޓުވުމަށް ކައުންސިލްތަކަށް ކުރެވިދާނެ ކަންތައްތަކަކީ ކޮބައިތޯ ބަލައި އެކަންކަން ކުރުމަށް ކައުންސިލްތަކުންވެސް އިސްނެގުމުގެ މައްޗަށެވެ.
ރައީސް ވިދާޅުވީ މަސްތުވާ ތަކެއްޗާއި ގޭންގު ކުއްކުރުވުމުގައި އެކަންކަމުގެ އަޑީގައި ތިބެނީ ސިޔާސީ ފަރާތްތަކާއި މިކަމުގައި އަމިއްލަ މަންފާ ހޯދާ ފަރާތްތަކެއް ކަމުގަ އެވެ.
މެދު ރާއްޖެތެރޭގެ ކައުންސިލްތަކަށް އަމާޒުކޮށްގެން ފެށި މި ކޮންފަރެންސްގައި އިޖުތިމާޢީ މައްސަލަތަކުގެ ތެރެއިން ރަށް ގިރުމާއި، އުދައެރުން، ފެންބޮޑުވުން ފަދަ މުސުމީ މައްސަލަތަކަށް އެޑްރެސްކޮށް ރައީސް ވަނީ ވާހަކަފުޅު ދައްކަވާފަ އެވެ.
