މި މައްސަލަ ހުށަހެޅުއްވީ މައްޑުއްވަރީ ދާއިރާގެ މެންބަރު އާދަމް ޝަރީފް އެވެ. އެނާ މި މައްސަލަ ހުށަހެޅުއްވަމުން މިއަދު ވިދާޅުވީ ރާއްޖޭގެ ރައްޔިތުންގެ މަޖިލީހަށް މި މައްސަލަ ހުށަހަޅަނީ އެކަމާ ގުޅިގެން ދިވެހި ސަރުކާރުން އެކަން ކުށްވެރިކޮށްފައި ނުވާތީކަމަށެވެ.
އާދަމް ޝަރީފް ވިދާޅުވީ ރަސޫލާއާއި ކީރިތި ޤުރުއާނަށް ފުރައްސާރަކޮށް ވާހަކަ ދައްކާފައިވަނީ އިންޑިއާގެ ވެރިކަން ކުރާ ޕާޓީގެ ތަރުޖަމާނު ކަމަށެވެ.
"މި މައްސަލަ ކުށްވެރިކޮށް ބަޔާނެއް ނެރުމަށް އަޅުގަނޑު ދިވެހި ސަރުކާރަށް ގޮވާލަން،" -އާދަމް ޝަރީފް-
މި މައްސަލައިގައި ދުނިޔޭގެ ބައެއް ގައުމުތަކުން އަންނަނީ އިންޑިއާއަށް ޕްރެޝަރުކުރުމަށް މަސައްކަތް ކުރަމުންނެވެ.
ބީޖޭޕީގެ ނެޝަލަނަލް ސްޕޯކްސް ޕާސަން ނުޕުރް ޝަރުމާ ވަނީ މި މައްސަލައިގައި ސަސްޕެންޑު ވެސް ކޮށްފައެވެ.
ޝަރީފް ހުށަހެޅުއްވި މައްސަލަ ބައިލ ނުގަތުމަށް 31 މެންބަރަކު ވޯޓު ދީފައިވާއިރު، ބަލައިގަންނަން ފެންނަކަމަށް ވޯޓު ދީފައިވަނީ 10 މެންބަރުންނެވެ. 6 މެންބަރުން އެ ވޯޓުގައި ބައިވެރިވަޑައެއް ނުގަންނަވައެވެ.
