އެންމެ ފުރަތަމަ ޝިފާގެ ވީޑިއޯއެއް އާއްމުވީ، އޭނާ އާއި އިތުރު އަންހެނަކު އެއް ޖިންސުން ގުޅުން ހިންގަން ތިއްބާ ނަގާފައިވާ ވީޑިއޯ އެކެވެ. އެ ވީޑިއޯގެ މައްސަލަ ބޮޑުވެ އެތައް ބަޔަކު އޭނާއަށް ނުރުހުމުގެ ބަސްތައް އަމާޒުކުރަން ފެށުމުން ޝިފާ ވަނީ އެއީ، ބަޔަކު އޭނާއަށް ލިބިފައިވާ ބޮޑު މަގުބޫލު ކަމުގެ ސަބަބުން ހިތުގައި ހަސަދަ ލައިގެން ކުރި ކަމެއް ކަމަށް ބުނެފަ އެވެ. އަދި އެ ވީޑިއޯއިން ފެންނަނީ އޭނާ ނޫންކަމަށްބުނެ ޝިފާ ވަނީ ބަޔާނެއްވެސް ނެރެފަ އެވެ.
އެ ވީޑިއޯގެ މައްސަލަ ފުލުހުން ބަލަން ފަށާފައި ވާއިރު، މީގެ ދެ ދުވަސް ކުރިން ފެށިގެން އޭނާގެ ތަފާތު އެކި ވީޑިއޯތައް އަންނަނީ ދައުރު ވަމުންނެވެ. އެ ވީޑިއޯތަކުގައި އޭނާ މަސްތުވާތަކެތި ބޭނުން ކުރާ ވީޑިއޯ ތަކާއި، ތަފާތު އެކި ފާހިޝް އަމަލުތައް ހިންގާ މަންޒަރުތައް ދައްކުވައިދޭ ވީޑިއޯތައް އަންނަނީ ދައުރުވަމުންނެވެ.
މީގެ ކުރިންވެސް ޝިފާގެ ބައެއް އަމަލުތައް ހުންނަ ގޮތުގެ ސަބަބުން އޭނާ އަށް ގިނަބަޔަކު ވަނީ ވަރަށް ބޮޑަށް ފާޑުކިޔާފަ އެވެ. އެގޮތުން އޭނާ "މަންމަ" ބުނެގެން ބުރުގާ އެޅިކަމަށްބުނެ މާ ގިނަދުވަސް ތަކެއް ނުވެ އޭނާ ވަނީ ބުރުގާ ނަގާފަ އެވެ. އަދި އަލުން ބުރުގާ އެޅުމުގެ ވިސްނުމެއް ނެތް ކަމަށްވެސް އޭނާ ވަނީ ބުނެފަ އެވެ.
ގިނަ ބައެއްގެ ސަމާލުކަމަށް ޝިފާ އައީ، ރާއްޖޭގައި ބޭއްވި "މޯލްޑިވިއަން އައިޑޮލް" ގެ އޮޑިޝަނަށް އޭނާ ދިޔަ ފަހުންނެވެ. އޭރު އޭނާ ބުރުގާ އަޅައިގެން ހުރިނަމަވެސް އޭގެ ފަހުން އޭނާ ފެނިގެން ދިޔައީ، ބުރުގާ ނަގައިގެން އުޅެނިކޮށެވެ. އެފަހަރު ބުރުގާ ނެގީ ކޮން ސަބަބަކާއި ހުރެ ކަމެއް ނޭނގެ އެވެ.
ޝިފާ އަކީ މީގެ ކުރިންވެސް އިޖްތިމާއީ ފެންވަރު ދަށް އެތައް ކަމެއް ކުރުމުގެ ސަބަބުން އޭނާ އަށް އެތައް ބައެއްގެ ފާޑުކިޔުން އަމާޒުވެފައި ހުރި ފަރާތެކެވެ. އެހެން ނަމަވެސް ކޮންމެ ފަހަރަކުވެސް އޭނާގެ މަގުބޫލުކަމަށް ބަޔަކަށް ހަޖަމު ނުވާކަމަށް ބުނެ ނިންމާލަ އެވެ.
