ހުޅުމާލޭގައި ހުންނަ އެފްޑަބްލިއު ފްލެޓްތަކުގެ ކުރިމަތިން، ސެކަނޑް ފޭސް އާ ދިމާލަށް އޮންނަ ބިމުގައި އިމާރާތް ކުރާ އެސްޖޭ ކްރީކް ރެސިޑެންސްގެ މަސައްކަތް ރަސްމީކޮށް ފެށީ އިއްޔެ ބޭއްވި ހާއްސަ ރަސްމިއްޔާތަކުންނެވެ. މަސައްކަތް ރަސްމީ ކޮށް ފަށައިދިނީ އެސްޖޭގެ އިތުރުން އެޗްޑީސީ، އެސްޓީއޯ، ސޮލަރެލް އަދި ސެގްރޯގެ އިސް ވެރިންނެވެ.
ގިނަ ހިދުމަތްތަކެއް ލިބޭ ގޮތަށް މަތީ ފަންތީގެ ޑިޒައިނަކަށް ތަރައްގީ ކުރާ އެސްޖޭ ކްރީކް ރެސިޑެންސަކީ 14 ބުރީގެ އިމާރާތެކެވެ. އެ ތަނުގައި 3 އަދި 4 ކޮޓަރީގެ އެޕާޓްމަންޓްތައް ހުރެ އެވެ. އޭގެ ތެރޭގައި ހިމެނެނީ ކޮންޓްރޯލް އަގުގައި ވިއްކާ އެޕާޓްމަންޓްތަކާއި، ވިޔަފާރި އުސޫލުން ވިއްކާ އެޕާޓްމަންޓްތަކެވެ.
އެސްޖޭ ކްރީކް ރެސިޑެންސްގެ މަސައްކަތް ރަސްމީ ފެށުމުގެ ތެރެއިން--
ސަރުކާރުގެ ގިނަ ޕްރޮޖެކްޓްތަކެއްގެ މަސައްކަތް މިހާރު ވެސް ކުރަމުން އަންނަ ކުންފުނީގެ ފްލެޓަށް ބޭނުންވާ ކޮންސްޓްރަކްޝަން މެޓީރިއަލް ސަޕްލައި ކޮށްދޭނީ އެސްޓީއޯ އިންނެވެ. އަދި އެ އިމާރާތް ޑިޒައިން ކޮށްފައި މަޝްހޫރު އިންސައިޑް ޕްލަސް އިންނެވެ.
އެނގިފައިވާ ގޮތުގައި އެ އިމާރާތުގެ މަސައްކަތް ރަސްމީކޮށް ފެށި އިރު، އެތަނުގެ ވަރަށް ގިނަ އެޕާޓްމަންޓްތައް ވަނީ ބުކް ކޮށްފަ އެވެ.
އެސްޖޭން މިހާރު ވެސް އަންނަނީ 305 ހައުސިން ޔުނިޓުގެ މަސައްކަތް ކުރަމުންނެވެ. އެއީ ސަރުކާރުގެ ޕީއެސްއައިޕީ 200 ޔުނިޓުގެ އިތުރުން އެ ކުންފުނީގެ އަމިއްލަ 105 ހައުސިން ޔުނިޓުގެ މަސައްކަތެވެ.
