"ސީއެންއެމް" އަށް މައުލޫމާތު ދެއްވަމުން ފުލުހުންގެ މީޑިޔާ އޮފިޝަލް މިއަދު ވިދާޅުވީ މި މައްސަލަ އަކީ ގިނަ އަދަދެއްގެ ބަޔަކު ބްލެކް މެއިލް ކުރުމުގެ މައްސަލަ އެއް ކަމަށާއި، ފުލުހުންގެ މުއައްސަސާ އަށް މިފަދަ މައްސަލަ އެއް ހުށަހެޅުމުން ތަހުގީގު ކުރަމުން އަންނަ ކަމަށެވެ.
މި މައްސަލަ ހުށަހެޅީ ކޮން ފަރާތަކުން ކަމެއް ފުލުހުން އަދި ހާމައެއް ނުކުރެއެވެ. ހަމަ އެކަނި ވިދާޅުވީ މިފަދަ މައްސަލަ އެއް ތަހުގީގު ކުރަމުން އަންނަ ކަމަށެވެ.
މީޑިޔާ އޮފިޝަލް ވިދާޅުވީ މީސް މީޑިޔާގައި މިއަދު ދައުރު ވަމުން އަންނަ ވީޑިއޯ އާއި ގުޅިގެން އެމީހުންނާއި ގުޅޭ މައްސަލަ މިއަދު ތަހުގީގުކުރަން ފަށާފައިވާ ކަމަށެވެ. އަދި ވިދާޅުވީ މި މައްސަލައިގެ ތަހުގީގުގެ ތެރެއިން އަޅަންޖެހޭ ފިޔަވަޅެއް އޮތްނަމަ އެ ފިޔަވަޅެއް އަޅުއްވާނެ ކަމަށެވެ.
ބްލެކްމެއިލް ކުރުމުގެ މައްސަލަ އެއް ފުލުހުން ތަހުގީގު ކުރަން މިއަދު ފަށާފައިވާއިރު ގާނޫނީ ވަކީލު ނާޒިމް ސައްތާރު ފިރިހެނަކާއި އެކު އެއްޖިންސުން ގުޅުން ހިންގާ މަންޒަރު ފެންނަ ވީޑިއޯއެއް މީސްމީޑިޔާގައި މިއަދު ވަނީ އާންމުވެފަ އެވެ.
ރައީސް ނަޝީދުގެ ކޮށްކޮ ނާޒިމް ސައްތާރު..
ދައުރުވަމުންދާ ވީޑިއޯގައި ފެންނަނީ ނާޒިމް ސައްތާރު ބިދޭސީ ފިރިހެނަކާއި މެދު ޖިންސީ އަމަލު ހިންގަން މަސައްކަތްކުރާ މަންޒަރެވެ.
ލީކުވެފައިވާ ވީޑިއޯއާއި ބެހޭގޮތުން ނާޒިމް ވަނީ އެއީ އޭނާގެ ވީޑިއޯއެއް ނޫން ކަމަށް ބުނެފަ އެވެ. ނާޒިމް ސައްތާރަކީ ކުރީގެ ރައީސް މުހައްމަދު ނަޝީދުގެ އެއްބަނޑު އެއްބަފާ ކޮއްކޮއެވެ.
