"ސީއެންއެމް" އަށް މައުލޫމާތު ދެއްވަމުން މާލޭ ސިޓީ ކައުންސިލްގެ ޑެޕިއުޓީ މޭޔަރު ވިދާޅުވީ ކިންގް ސަލްމާން މިސްކިތް ހިމެނޭ ސަރަހައްދަށް ވަރަށް ބޮޑަށް އުދައިގެ އަސަރު ކުރަމުންދާ ކަމަށެވެ.
ނަރީޝް ވިދާޅުވީ އުދަ އަރަމުންދާތީ ސަލްމާން މިސްކިތް ހިމެނޭ ސަރަހައްދުގައި ސިޓީ ކައުންސިލުން ކޮންކްރީޓް ކޮށް ފާރެއް ރޭނުމުނުގެ މަސައްކަތް މިހާރު ކުރަމުންދާ ކަމަށެވެ.
ނަރީޝް ވިދާޅުވީ މޫސުން ގޯސްވެ އުދައިގެ އަސަރު ކުރުމުގެ ކުރިޔަށް ސިޓީ ކައުންސިލުން މިކަންކަމަށް ކުރިންފެށިގެން ތައްޔާރުވެފައިވާ ކަމަށެވެ. އެގޮތުން އެސަރަހައްދުގައި ފާރު ރޭނުމަށް ހޯދަންޖެހޭ ތަކެތި ހޯދައި އެސަރަހައްދުގެ ބޮޑުމިން ބަލައި މަސައްކަތް ފަށާފައިވާ ކަމަށެވެ.
އާޓިފިޝަލް ބީޗު ސަރަހައްދަށް މދިޔަ މަހު އުދައަރަން ފަށާފައި: ފޮޓޯ ސީއެންއެމްނިއުސްޓީމް
އެސަރަހައްދަށް އުދައެރުމާއި ގުޅިގެން މާލޭ ސިޓީ ކައުންސިލުން ކުރިން ވަނީ އެރަަހައްދުގައި ވެލިފުނިތަކެއް ޖަހައި ރާޅުގެ އަސަރު ނުކުރާނެހެން ބަންދު ކޮށްފަ އެވެ.
އުދައިގެ އަސަރު ކުރުމުގެ ސަބަބުން އެސަރަހައްދުގައި ވަނީ ފެންބޮޑުވެ ޗަކަ ހެދިފަ އެވެ.
މި ދުވަސްވަރަކީ މުޅި ރާއްޖެއަށްވެސް މޫސުން ގޯސްވެ އުދައަރަމުންދާ ދުވަސްވަރަކަށްވާތީ ދަތުރުފަތުރު ކުރުމުގައި ސަމާލުކަން ދިނުމަށް މޫސުމާޢިބެހޭ އިދާރާއިން ވަނީ އިލްތިމާސްކޮށްފަ އެވެ
