ފުލުހުން މިއަދު މީޑިއާ ތަކަށް ފޮނުވި މެސެޖެއްގައި ބުނީ، ދިއްފުށީގައި، ހިނގި ހަމަނުޖެހުމެއް ހުއްޓުވުން އުޅުނުނ ފުލުހުންނަށް ހަމަލާ ދިން މައްސަލައެއްގެ ތުހުމަތުގައި މި މަހުގެ 14 ވަނަ ދުވަހު އުމުރުން 22 އަހަރުގެ ދިވެހި ފިރިހެނަކު ހައްޔަރު ކޮށްފައި ވާކަމަށެވެ. އަދި އެމީހާގެ ބަންދަން ކޯޓުން 10 ދުވަސް ޖަހާފައި ވާކަމަށްވެސް ފުލުހުން ވަނީ ބުނެފަ އެވެ.
ކުޑަކުއްޖަކަށް ޖިންސީ ގޯނާ ކުރި ކަމަށް ބުނެ ދިއްފުށީ ބަޔަކު އަނިޔާ ކުރި މީހާ އަށް ވަނީ ވަރަށް ބޮޑެތި އަނިޔާތައް ވެފަ އެވެ. އެގޮތުން އޭނާގެ މޫނު މަތި ދުޅަވެފައި ވާއިރު އެނާގެ ވާތު ލޮލަށް ވެސް ވަނީ ގެއްލުން ވެފަ އެވެ.
އަނިޔާ ލިބުނު މީހާގެ ވީޑިއޯ އެއް ސޯޝަލް މީޑިއާގައި އާއްމު ވެފައިވާއިރު، އޭނާ ވަނީ މިއީ އޭނާގެ އަންހެނުންގެ ކުރީގެ ފިރިމީހާގެ އާއިލާ މީހުން ކުރި ކަމެއް ކަމަށް ބުނެފަ އެވެ.
އަދި އޭނާ ގައިގައި އެރަށު ބަޔަކު ތަޅަމުން ދިޔައިރު އެތަނުގައި ތިބި ފުލުހުން އޭނާއަށް ހިމާޔަތް ދީފައި ނުވާކަމަށް ވެސް އޭނާ ވަނީ ބުނެފަ އެވެ.
