މާލޭ ސިޓީ ކައުންސިލްގެ މޭޔަރު ޑރ.މުހައްމަދު މުއިއްޒުގެ އަށް އެޑްރެސްކޮށް މާލޭގެ ރައްޔިތުންނަށް ހާއްސަކޮށްފައިވާ "މޭޔަރު މުއިއްޒު" ވައިބާ ގުރޫޕުގައި އެތަނުގެ ފެން ކެނޑިފައިވާތީ އެކަމަށް ހައްލު ހޯދުމަށް މީހަކު ކުރި ސުވާލަކަށް ޖަވާބުދެއްވަމުން މުއިއްޒު ވިދާޅުވީ ފެން ކެނޑިފައިވަނީ ބިލްތައް ދެއްކޭނެ ގޮތެއް ނެތުމުން ކަމަށެވެ.
މުއިއްޒު ވިދާޅުވީ ރަސްފަންނަށް ދޫކޮށްފައި ފެނުގެ ރަޖިސްޓްރީ އޮންނަނީ ޕްލޭނިން މިނިސްޓްރީގެ ދަށުން ކަމަށެވެ. އެހެން ކަމުން ސިޓީ ކައުންސިލަށް އެތަނުގެ ފެން ބިލް ދެއްކޭނެ ގޮތެއް ނެތީ ކަމަށެވެ.
މުއިއްޒު ވިދާޅުވީ މިކަމަކީ އިދާރީ ކަމެއް ކަމަށާއި، މިކަން ބަދަލުކޮށްދިނުމަށް ނުވަތަ މިކަންކަން ހައްލުކޮށްދިނުމަށް މިނިސްޓްރީގައި ވަރަށް ގިނަ ފަހަރު އެދިފައިވާނެ ކަމަށެވެ. އަދި މިކަމަށް މިނިސްޓްރީން އިޖާބަ ދީފައި ނުވާ ކަމަށެވެ.
ރަސްފަންނަކީ ކުރީގެ ރައީސް ޔާމީނުގެ ސަރުކާރުން މާލޭގައި ދިރިއުޅޭ ފަރާތްތަކަށް ހާއްސަކޮށްގެން މުދާށް އެރުމަށާއި، ފިނިކޮށްލުމަށް ހަދާފައިވާ ހިތްފަސޭހަ ސަރަހައްދެކެވެ.
