"ސީއެންއެމް" އަށް މައުލޫމާތު ދެއްވަމުން ހައުސިން ޑިވަލޮޕްމަންޓް ކޯޕަރޭޝަން (އެޗްޑީސީ)ގެ ޕަބްލިކް ރިލޭޝަން ޔުސްރާ އިބްރާހިމް މިއަދު ވިދާޅުވީ މި އޮފީހަކީ ހިޔާ ފްލެޓް ތަކުގައި ދިރިއުޅޭ ފަރާތްތަކަށް ހާއްސަ އޮފީހެއް ކަމަށާއި، ހިޔާ މެނޭޖްމަންޓް އޮފީހުން އެތަންތަނުގައި ދިރިއުޅެމުންދާ ފަރާތްތަކަށް ދިމާވާ މައްސަލަ ތަކާއި ޝަކުވާ ތަކަށް ފަސޭހަ ހައްލެއް ލިބިގެންދާނެ ކަމަށް އުންމީދުކުރައްވާ ކަމަށެވެ.
ހިޔާ މެނޭޖްމަންޓްގެ އޮފީހުގައި އެޗްޑީސީގެ މުއައްޒަފުން މަސައްކަތް ކުރަނީ...
ޔުސްރާ ވިދާޅުވީ މި އޮފީހުން ހިޔާ ފްލެޓް ތަކުގެ ކުލި ބަލައިގަތުމާއި ކުލި ދެއްކުމުގައި ކާޑް ޕޭމަންޓް ވެސް ހަމަޖެހިފައިވާ ކަމަށެވެ.
ހިޔާ ފްލެޓްތަކުގެ ކުޑަދޮރުތަކުން ވާރޭ ފެހޭ ވަގުތު ފެން ވަންނަ މައްސަލަ ހައްލުކުރުމަށް މިއަދު އެޗްޑީސީން ވަނީ ބައެއް ޓަވަރު ތަކުގައި އެ ކޯޕަރޭޝަންގެ ޓީމުން މަސައްކަތް ފަށާފަ އެވެ.
ހިޔާ ފްލެޓްތައް..
އެޗްޑީސީން ވަނީ ހިޔާ ފްލެޓް ސަރަހައްދު ގައި މީގެ ކުރިން އާންމުން ގާއިމޮކޮށްފައިވާ ގާޑިޔާތައް ނަގައި އެސަރަހައްދުތައް ސާފުވެސް ކޮށްފަ އެވެ. އަދި އެޗްޑީސީން ދަނީ ހިޔާ ފްލެޓްތަކަށް ހާއްސަ ޝޮޕިން ކޮމްޕެލްކްސް ތައް އެޅުމަށް މަސައްކަތް ކުރަމުންނެވެ.
