ބާރަ ހާހަށްވުރެ ގިނަ މެންބަރުން ހިމެނޭ، އެޕާޓްމެންޓް ކުއްޔަށްދިނުމާ ގުޅޭ މައުލޫމާތު ހިއްސާ ކުރާ ވައިބަ ގްރޫޕެއްގައި އިއްޔެ މެންދުރު ފަހު ކުރި ޕޯސްޓެއްގައި ދެހާސް ޑޮލަރަށް ކުއްޔަށްދޭ ކަމަށް އިއުލާންކޮށްފައިވަނީ ލަގްޒަރީ އެޕާޓްމެންޓެކެވެ. މި އެޕާޓްމެންޓްގެ ފޮޓޯ އެ ޕޯސްޓާއެކު ނެތްނަމަވެސް އެޕާޓްމެންޓްގައި ބަދިގެއެއް ނުހުންނާނެކަން ބަޔާންކޮށްފައިވެއެވެ.
ދެހާސް ޑޮލަރަކީ ބޭންކް ރޭޓުން ބެލިކަމުގައިވީ ނަމަވެސް މަހަކު ތިރީސް ހާސް އަށްސަތޭކަ ސާޅީސް ރުފިޔާއެވެ. އެޑްވާންސަސް ފަނަރަހާސް ހަތަރު ސަތޭކަ ވިހި ރުފިޔާއެވެ. މާލޭގެ ކުލީގެ އަގު އިންތިހާއަށް ބޮޑުވެފައިވާއިރު، ކުއްޔަށްދޭ ތަންތަން ދައުލަތުގެ ރެގިއުލޭޓަރީ ބޮޑީތަކަށް މޮނިޓަރއެއް ނުކުރެވެއެވެ. އަދި މާލޭގެ ބިމުގެ އަގު އިންތިހާއަށް އުފުލިފައިވާއިރު ވަކި ބަޔަކަށް ހިލޭ މާލޭން ބިން ދިނުމުގެ މައުޟޫ މިއަދުވަނީ ސޯޝަލް މީޑިއާގެ އެންމެ ހޫނު މައުޟޫއަށް ވެފައެވެ.
