ސުޕްރީމް ކޯޓުގެ ޝަރީއަތްތަކުގެ އޯޑިއޯ ރިކޯޑިން އާއްމުކުރަން ފަށައިފި
19 ފެބްރުއަރީ 2020 - 00:06:50
ސުޕްރީމް ކޯޓުގެ ޝަރީއަތްތަކުގެ އޯޑިއޯ ރިކޯޑިން އާއްމު ކުރަން ފަށައިފި އެވެ.
އެކަން އިއުލާން ކުރީ މިރޭ އޮތް ޖުޑީޝަލް އަހަރު ފެށުމުގެ ރަސްމިއްޔާތުގަ އެވެ.
މިރޭގެ ހަފްލާގައި އުއްތަމަ ފަނޑިޔާރު އަހްމަދު މުއުތަސިމް އަދުނާން ވިދާޅުވީ އޯޑިއޯ ރިކޯޑިން އަޑުއެހުމުގެ އިންތިޒާމް ހަމަޖެހިފައި ވާއިރު، ޝަރީއަތްތަކުގެ ވީޑިއޯ ލައިވްކޮށް ބެލޭނެ ގޮތް ވެސް ބަޖެޓު ލިބުމުން ހަމަޖެހޭނެ ކަމަށެވެ.
ރާއްޖޭގައި ފުރަތަމަ ފަހަރަށް ޝަރީއަތްތަކުގެ އޯޑިއޯ ރިކޯޑިން އާއްމު ކުރަން ފެށިއިރު، އޯޑިއޯތައް އަޑު އެހޭނީ ސުޕްރީމް ކޯޓުގެ ވެބްސައިޓުންނެވެ.
އެ ވެބްސައިޓުގައި ވަކިވަކި ޝަރީއަތްތަކުގެ އޯޑިއޯ ހުންނައިރު، މި އަހަރުގެ ތެރޭގައި މިހާތަނަށް ބޭއްވި ހުރިހާ އަޑުއެހުންތަކެއްގެ އޯޑިއޯ ވެސް ހިމެނެ އެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް