ސަރުކާރުގެ ފަރާތުން ރައްޔިތުންގެ މަޖިލީހުގެ މިއަހަރުގެ ތިން ވަނަ ދައުރަށް ހުށަހަޅަން ގަސްދުކުރާ ބިލުތަކުގެ ލިސްޓު ރައީސް އޮފީހުން މިއަދު ވަނީ މަޖިލީހަށް ފޮނުއްވާފައެވެ.
މީގެތެރޭގައި ފަނޑިޔާރުންގެ ޤާނޫނަށް އިސްލާހު ގެނެއުމުގެ ބިލެއްވެސް ހިމެނެއެވެ. ސަރުކާރުން ހުށަހަޅާ މި ބިލުގައި ހިމެނޭ މައިގަނޑު ކަންތައްތައްތަކުގެ ތެރޭގައި ފަނޑިޔާރުންނަށް ސަރުކާރުން ނުވަތަ އަމިއްލަ ފަރާތްތަކުން ހިންގާ ބޯހިޔާވަހިކަމުގެ މަޝްރޫއުތަކުގެ ދަށުން ދޫކުރާ ބިމާއި ފްލެޓަށް ކުރިމަތިލެވޭގޮތް ހަދަން ގާނޫނަކުން ކަނޑައެޅުން ހިމެނެ އެވެ.
ދިރިއުޅޭނެ އަމިއްލަ ތަނެއް ނެތް ފަނޑިޔާރުންނަށް ބޯހިޔާވަހިކަން ފޯރުކޮށްދިނުމަށް ފްލެޓަށް ކުރިމަތިލެވޭގޮތް ހަދަން ގާނޫނު އިސްލާހުކުރަން ސަރުކާރުގެ ފަރާތުން ހުށަހެޅިއިރު، ފަނޑިޔާރުނަށް ލިބޭ ލިވިން އެލަވަންސް ބޮޑުކުރަންވެސް ވަނީ ހުށަހަޅާފައެވެ.
ފަނޑިޔާރުންގެ ގާނޫނަށް ގެންނަން ސަރުކާރުން ހުށަހެޅި އިތުރު އިސްލާހުތައް
- ފަނޑިޔާރުކަމުގެ އިތުރުން ކުރާ އެހެން މަސައްކަތްތަކަށް އުޖޫރަ ބަލައިގަތުމަކީ ހުއްދަކަމަށް ހެދުމަށް
- އަމިއްލައަށް އެދިގެން ފަނޑިޔާރުކަމުން ވަކިވެވޭނެ އުމުރަކީ 65 އަށް ހެދުން
