ފެން ޕްލާންޓްގެ ޓޭންކްތައް ސާފު ކުރުމުގެ މަސައްކަތެއްގެެ ތެރެއިން/ 2021 ޖުލައި 21
މުޅި ފޮނަދޫ އިން ފެނުގެ ހިދުމަތް ކެނޑިފައި ހުންނަތާ 8 ގަޑިއިރު
ފާތިމަތު އަހްމަދު ޝަރީފް
18 ސެޕްޓެމްބަރ 2022 - 17:36:27
ލ. ފޮނަދޫން ފެނުގެ ހިދުމަތް މެދުކެނޑިއްޖެ އެވެ.
Advertisement
ހިދުމަތަށް ދިމާވި މައްސަލައަކާއި ގުޅިގެން މުޅި ރަށުން ފެނުގެ ހިދުމަތް މެދުކެނޑިފައިވަނީ މިއަދު ހެނދުނު 10:00 ހާއިރު އެވެ.
މުޅި ރަށުން ފެނުގެ ހިދުމަތް މެދުކެނޑިފައި ހުންނަތާ އަށް ގަޑިއިރު ވެފައިވާއިރު، މައްސަލަ ހައްލު ކުރުމަށް އެރަށު ފެނަކަ ޓީމުން ދަނީ މަސައްކަތް ކުރަމުން ނެވެ.
ފޮނަދޫ ފެނަކަ ބުރާންޗުގެ މެނޭޖަރު “ސީއެންއެމް” އަށް ވިދާޅުވީ، މައްސަލަ ހައްލު ކުރުމުގައި ލަސްތަކެއް ދިމާވެފައިވަނީ، އެކަމަށް ބޭނުންވާ ސާމާނު މާލޭން އަންނަންދެން މަޑުކުރަންޖެހޭތީ ކަމަށެވެ.
އަޅުގަނޑުމެންގެ ޓީމުން އެދަނީ ވީހާވެސް އަވަހަކަށް މައްސަލަ ހައްލުކުުރުމަށް މަސައްކަތްކުރަމުން- ތޯހާ
މިކަމުގެ ސަބަބުން ރައްޔިތުންނަށް ދިމާވެދާނެ ދަތިތަކަށް އެ ފެނަކަ ބްރާންޗުން ވަނީ މައާފަށް އެދިފައެވެ. އަދި މައްސަލަ ހައްލުވުމުން ވީ އެންމެ އަވަހަކަށް ފެނުގެ ހިދުމަތް ދެވޭނެ ކަމަށް ފެނަކައިން ބުނެ އެވެ.
މީގެ ކުރިން ވެސް އެރަށުން ދޭތެރެ ދޭތެރެއިން ފެނުގެ ހިދުމަތާއި ކަރަންޓުގެ ހިދުމަތް މެދުކެނޑިފައި އެބަހުއްްޓެވެ.
އެގޮތުން މިއަހަރުގެ މެއި މަސް ތެރޭ ވެސް ޓެކްނިކަލް މައްސަލައަކާ ގުޅިގެން ފެނުގެ ހިދުމަތް މެދުކެނޑުނެވެ.
އަދި ފެނަކައިން ކަރަންޓު ދިނުމަށް އެރަށުގައި ބޭނުން ކުރަމުންދާ ދެ ޖަނަރޭޓަރަށް ދިމާވި މައްސަލައަކާ ގުޅިގެން މުޅި ރަށުން މިދިޔަ އޮގަސްޓު މަސް ތެރޭގައި ވެސް ކަރަންޓްގެ ހިދުމަތް މެދުކެނޑިފައެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
100%
ވަރަށް ސަލާމް
ކޮމެންޓްސް
