މި އެކްސިޑެންޓް ހިނގާފައިވަނިކޮށް ފެނުނީ، އެމްއެންޑީއެފް ކޯސްޓްގާޑު ސެކަންޑް ސްކޮޑްރަންގެ "ހާބަ ކްރާފްޓް 113" މިރޭ 18:50 ހާއިރު ހުޅުމާލެ ނެރުން ވަންނަން އައުމުގެ ތެރޭގައެވެ.
އެމްއެންޑީއެފްއިން ބުނިގޮތުގައި، އެވަގުތު ލޯންޗަކާއި ޑިންގީއެއް ހުޅުމާލެ ނެރުމަތީ މަޑުކޮށްގެން އޮތްތަން ފެނި ސުވާލުކުރުމުން، ޑިންގީއާއި ލޯންޗު ޖެހި، ޑިންގީގައި ހުރި މީހަކު މޫދަށް ވެއްޓިފައިވާ ކަމަށް އެތާ ތިބި މީހުން ބުންޏެވެ.
އަދި، ހާބަ ކްރާފްޓް 113 ގައި ތިބި ސިފައިންގެ އެހީގައި އެ އުޅަނދަށް އެމީހާ ނެގުމަށްފަހު ވަނީ އެމްއެންޑީއެފް ކަލާސީނުކޮށްޓަށް ގެންގޮސްދީފައެވެ.
ޒަހަމުވެފައި އޮތް އެމީހާ، ހުޅުމާލެ ހޮސްޕިޓަލަށް ގެންގޮސްދީފައިވަނީވެސް އެމްއެންޑީއެފްގެ ވެހިކަލެއްގައި މިރޭ 19:00 ހާއިރު އެވެ.
މި އެކްސިޑެންޓުގައި އަނިޔާވި ހަތަރު މީހުންގެ ތެރެއިން ދެ މީހަކަށް ޓްރީޓޮޕް ހޮސްޕިޓަލުގައި ފަރުވާދެމުންދާއިރު، އަނެއް ދެމީހުންނަށް ހުޅުމާލެ ހޮސްޕިޓަލުގައި ދަނީ ފަރުވާދެމުން ނެވެ.
އެ ހާދިސާގައި ޑިންގީއަށް ވަނީ ބޮޑެތި ގެއްލުންތަކެއްވެ، ޑިންގީގެ ކުރީކޮޅު ފަަޅަފަޅައިގެން ގޮސްފަ އެވެ.
މިދިޔަ މެއި މަހު ގއ. ވިލިގިލީ ފަޅަށް ވަންނަން އުޅުނު ލޯންޗެއް ނެރުގައިޖެހި ހިނގި ނުރައްކާތެރި ހާދިސާގައި ވެސް ވަނީ، ފަސް މީހަކަށް ސީރިއަސް ޒަހަމުތަކެއް ލިބިފައެވެ. އެ ހާދިސާގައި އޭގެތެރެއިން ދެމީހަކު ވަނީ މަރުވެފައެވެ.
