މިމަހުގެ 28 ވަނަ ދުވަހު މުފްތީ މެންކް ރާއްޖެ ވަޑައިގަންނެވުމަށް ވަނީ ހަމަޖެހިފައެވެ. އިސްލާމިކް މިނިސްޓަރު އަހްމަދު ޒާހިރު އަލީ އިއްޔެ ވިދާޅުވީ، އެދުވަހު އިސްލާމީ މަރުކަޒުގައި އިމާމުވެ ހުކުރު ކުރައްވާނީ މުފްތީ މެންކް ކަމަށާއި، ހުތުބާގެ މައުލޫއު އަކީ ”މާތްﷲ އާއި އޮންނަ ގުޅުން ދިރުވާށެވެ“ ހުތުބާ ދެއްވާނީ އިނގިރޭސި ބަހުން ނެވެ.
މުފްތީގެ މި ދަތުރުފުޅުގައި ހަމަ އެރޭ މާލޭގެ ކާނިވާ ސަރަހައްދުގައި މެންކްގެ ފުރަތަމަ ދަރުސް އޮންނާނެ އެވެ. އެއަށް ފަހު، ދެން ވަޑައިގަންނަވާނީ ފުވައްމަލަކަށެވެ. ފުވައްމުލަކުގައި 29 ވަނަ ދުވަހު ދަރުހެއް ދެއްވުމަށް ފަހު 30 ވަނަ ދުވަހު ދަރުސް އޮންނާނީ އައްޑު ސިޓީގައެވެ. މެންކްގެ މި ދަތުރުގެ ފަހު ދަރުސް އޮންނާނީ 31 ވަނަ ދުވަހުގެ ރޭ ހުޅުމާލޭގައެވެ.
މުފްތީ މެންކް ވަނީ މީގެކުރިންވެސް ރާއްޖެއަށް އެކި ފަހަރުމަތިން ޒިޔާރަތްކުރައްވާފަ އެވެ. މުފްތީ މެންކް އެންމެފަހުން ރާއްޖެއަށް ވަޑައިގަތީ 2020 ވަަނަ އަހަރުގެ ތެރޭގަ އެވެ. އެފަހަރު ރާއްޖޭގައި ހޭދަކުރެއްވި ފަސް ދުވަހުގެ ދަތުރުފުޅުގައި، މާލެ، އައްޑޫ އަދި ކުޅުދުއްފުށީގައި ދީނީ ދަރުސްތައް ދެއްވާފައި ވެއެވެ.
އެފަހަރު ވެސް އިސްލާމީ މަރުކަޒުގައި އިމާމުވެ ހުކުރު ނަމާދު ކުރައްވާފައިވަނީ މުފްތީ މެންކް އެވެ.
