އިސްލާމީ މަރުކަޒުގައި މިއަދުގެ ހުތުބާ ހާއްސަކޮށްފައިވަނީ ހަގީގީ ބާއްޖަވެރިކަން މި މައުލޫއަށެވެ. މިއަދު އައްސުލްތާން މުހައްމަދު ތަކުރުފާނުލް އައުޒަމްގައި އިމާމްވެ ހުކުރު ނަމާދުކުރެއްވީ މަޝްހޫރު ދިނީ އިލްމުވެރިޔާ މުފްތީ މެންކްއެވެ.
މިއަދުގެ ހުތުބާގައި މި ދުނިޔޭގައި ކޮންމެ މީހަކުވެސް އެންމެ ބޮޑަށް މަސައްކަތްކުރަނީ އުފާވެރި، ބާއްޖަވެރި ދިރިއުޅުމެއް ހޯދަންކަމަށާއި އުފާވެރިކަމާއި ބާއްޖަވެރިކަމަކީ އަގުދީފައި ގަނެވޭނެ އެއްޗެއް ކަމުގައިވީނަމަ އެކަން ކުރާނެކަން ކަށަވަރުކަމަށް ބަޔާންކުރައްވާފައިވެއެވެ.
ބާއްޖަވެރިކަން ދަނެގަންނާނެ ގޮތަށް ހުތުބާގައިވަނީ އަލިއަޅުވާލައްވާފައެވެ. އަދި ކީރިތި ޤުރުއާނާއި ކީރިތި ރަސޫލާގެ ހަދީސްފުޅުތަކުން ބާއްޖަވެރިކަމާއި ހިތްހަމަޖެހުން ހޯދޭނެ ގޮތްތައް ވަނީ ބަޔާންކުރައްވާފައެވެ.
އެކަލާނގެ އެންމެ ލޯބިވެވޮޑިގަންނަވާ ފަސް ނަމާދުމަތިންވެސް ހަނދާން ނުހުންނަކަމާއި އެއީ މާތް ﷲ އެންމެ ބޮޑަށް ލޯބިވެ ވޮޑިގަންނަވާ އަޅުކަންކަމަށް މިއަދުގެ ހުތުބާގައިވެއެވެ. އެހެންކަމުން ނަމާދަށް ރައްކާތެރިނުވެ ކިތަންމެ ބުރަ މަސައްކަތެއް ކުރިނަމަވެސް ބާއްޖަވެރިކަން ނުލިބޭނެކަން ހުތުބާގައިވަނީ ބަޔާންކުރައްވާފައެވެ.
މިއަދުގެ ޚުޠުބާގައިވަނީ އުފާވެރި، ބާއްޖަވެރި ދިރިއުޅުމެއް ބޭނުންވާނަމަ، ބާއްޖަވެރިކަމުގެ ދެ އަސާސްކަމުގައިވާ އީމާންކަމާއި ﷲ އަށް ކިޔަމަންތެރިކަން އަދާކުރުމަށް އަވަސްވެގަތުމަށް އެންމެހައި މުސްލުމުންނަށް ވަސިއްޔަތްކޮށް ނަސޭހަތްތެރިވެފައެވެ.
