މެންކު މިހާރު ކުރައްވަމުން ގެންދަވާ ދަތުރުގެ ފުރަތަމަ ދަރުހުގެ މައުލޫއަކީ "އެންޒައިޓީ، ޑިޕްރެޝަން އެންޑް ސްޓްރެސް" އެވެ. މި ދަރުސް އަޑު އެހުމަށް ކާނިވާ ސަރަހައްދަށް އެތައް ހާސް ބަޔަކު ޖަމާވިއިރު އޭގެ ތެރޭގައި ސަރުކާރުގެ އެންމެ އިސްވެރިންވެސް ހިމެނެއެވެ.
މެންކުގެ މި ދަތުރުގައި ފުރަތަމަ ދަރުސް މިރޭ ދެއްވިއިރު، އިސްލާމީ މަރުކަޒުގައި މިއަދު އިމާމްވެ ހުކުރު ނަމާދު ކުރެއްވީވެސް މެންކުއެވެ.
މެންކުގެ މި ދަތުރުގައި އަދި އިތުރު 3 ދަރުސް އޮންނާނެއެވެ. އޭގެ ތެރެއިން 2 ދަރުހަކީ އައްޑޫ ސިޓީގައި އޮންނަ ދަރުހަކާ އަދި ފުވައްމުލަކު ސިޓީގައި އޮންނަ ދަރުހެވެ. ފަހު ދަރުސް އޮންނާނީ ހުޅުމާލޭގައެވެ.
މިއީ މުފްތީ މެންކް ރާއްޖެއަށް ކުރައްވާ ހަތަރު ވަނަ ދަތުރުފުޅެވެ. މީގެ ކުރިން އެބޭފުޅާ ވަނީ 2015, 2016 އަދި 2020 ވަނަ އަހަރުތަކުގައި މާލެ ސަރަހައްދާއި ކުޅުދުއްފުށި ސިޓީ އަދި އައްޑޫ ސިޓީ ގައި ދީނީ ދަރުސް ދެއްވާފައެވެ.
