ހަބަރު /
އިއްޔެ މާލެއަށް އެރި އުދަ——
ކ. އަތޮޅުން ފެށިގެން އައްޑޫ ސިޓީއަށް އުދަ އަރާނެ ކަމަށް ލަފާކޮށްފި، ސަމާލުވޭ!
ފާތިމަތު އަހްމަދު ޝަރީފް
06 ނޮވެންބަރ 2022 - 11:08:36
ރާޅުގެ އުސްމިން ފަސް ފޫޓަށް އުފުލި، ކ. އަތޮޅުން ފެށިގެން އައްޑޫ ސިޓީއަށް އުދަ އަރާނެ ކަމަށް ލަފާކޮށް ވައިޓް އެލާޓު ނެރެފި އެވެ.
Advertisement
ރާއްޖޭގެ މޫސުމާ ބެހޭ ގައުމީ އިދާރާ (މެޓް) އިން މިއަދު ލަފާކޮށްފައިވާ މޫސުމަށް ބަލާއިރު، ދެކުނާއި، މެދުރާއްޖެތެރޭގައި ކަނޑުތައް ގަދަވާނެ އެވެ. ރާޅުގެ އުސްމިން އުޅެނީ ދެ ފޫޓާއި ފަސް ފޫޓުގައެވެ.
”ދިޔަވަރު ބޮޑުވާ ގަޑިތަކުގައި ދެކުނާއި މެދުރާއްޖެތެރޭގެ ބައެއް ރަށްތަކަށް އުދައިގެ އަސަރުކުރުން އެކަށީގެންވޭ. ހުރިހާ ފަރާތްތަކުން ހާއްސަކޮށް ދެކުނާއި މެދުރާއްޖެތެރޭގައި ކަނޑުދަތުރު ކުރައްވާ ފަރާތްތަކުން މޫސުމަށް ސަމާލުވުމަށް ދަންނަވަން،“ މެޓް އިން ނެރެފައިވާ އެލާޓުގައި ވެއެވެ.
އުދައަރާނެ ކަމަށް ލަފާކޮށް ކ. އަތޮޅުން އައްޑޫއަށް ވައިޓް އެލާޓު ނެެރެފައިވަނީ، މިއަދުގެ 10:15 އިން ފެށިގެން 14:00 އަށެެވެ. މެޓުން ބުނީ ރާއްޖޭގެ އެކި ސަރަހައްދުތަކަށް ވިއްސާރަކުރުމާއިއެކު ގުގުރާނެ ކަމަށެވެ.
ދެކުނުގެ ކަނޑުތައް ގަދަވެފައި ވިލާގަނޑުގައި ގަޑިއަކު 35 މޭލަށް ވައިގަދަވާނެ ކަމަށްވެސް މެޓުން ވަނީ ލަފާކޮށްފައެވެ.
މިއަދު ވެސް ކ. އަތޮޅުން އައްޑޫ ސިޓީއަށް އުދައަރާނެކަމަށް ލަފާކޮށްފައިވާއިރު، އިއްޔެ ވެސް ވަނީ ވަރަށް ބޮޑަށް މާލެއަށް އުދައަރާފަ އެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
