ޔޯގާއަށް ހާއްސަ ސަމާލުކަމެއްދޭ ބަތަލާ ޝިލްޕާ ޝެޓީ ވަނީ ލޮލަކީ ދުވަހަކު ވެސް އާދައިގެ ތަނެއްގެ ގޮތުގައި ނުބެލުމަށް އެދިފައެވެ. ސޯޝަލް މީޑިއާގައި އޭނާގެ ފޮލޯވަރުންނަށް ލޮލަށް ރަނގަޅަށް ސަމާލުކަން ދިނުމަށް އޭނާ ވަނީ އިލްތިމާސްކޮށްފަ އެވެ.
އޭނާ ބުނެފައިވަނީ "ސްކްރީނަށް މެދުނުކެނޑި ހުށަހެޅުމުން ލޯ ހިކި ރަތްވުން؛ މިހާރު އާންމުކޮށް ކިޔަނީ 'ކޮމްޕިއުޓަރ ވިޝަން ސިންޑްރޯމް. މި މައުލޫމާތުން އަހަރެން ވަރަށް ކަންބޮޑުވި. ޓެކްނޮލޮޖީން ދުރުހެލި ނުވެވުނު ނަމަވެސް ކުރެވޭނެ ކަމަކީ އެކަށީގެންވާ ތެތްކަން ހިފެހެއްޓިގެން ލޮލަށް ރަނގަޅަށް ފަރުވާ ދިނުން" ކަމަށެވެ.
ޝިލްޕާ ވަނީ ދުވާލު ވަގުތު ދެތިން މިނެޓް "ނެޓްރާ ޔޯގާ" ހެދުމަށް އެދިފައެވެ. މި ރޫޓިންގެ ސަބަބުން ފެނުން ރަނގަޅުވެއެވެ. އަދި ލޮލުގެ ސްޓްރެއިން އަރާމުކޮށްދިނުމަށް ނުވަތަ ކުޑަކުރުމަށް އެހީތެރިވެދީ، ލޯ ހިކިވުން ހުއްޓުވައި، ލޮލުގެ ސަރަހައްދާއި ދިމާލަށް ލޭ ދައުރުވުން އިތުރުކޮށްދޭކަމަށް އެކްޓަރު ބުންޏެވެ.
ނެޓްރާ ޔޯގާ ހެދުމުން ސަމާލުކަން ވެސް ރަނގަޅުކޮށްދެއެވެ.
ލޮލަށް ކުރިމަތިވާ ސްޓްރެސް ކުޑަކުރުމަށް ނެޓްރާ ޔޯގާ ހަދާނެ ގޮތުގެ ވީޑިއޯއެއް ވެސް ބަތަލާ ވަނީ އާންމުކޮށްފަ އެވެ.
