އޭގެތެރެއިން ބައެއް ޓީޗަރުންނާއި ހަވާލާދީ ބައެއް މީޑިއާތަކުން ރިޕޯޓުކޮށްފައިވާ ގޮތުގައި، އެ ޓީޗަރުން ސަސްޕެންޑުކޮށްފައިވަނީ އެލްކޭޖީ އަދި ޔޫކޭޖީ ދަރިވަރުންނަށް ނަށަން ދަސްކޮށްދޭން އިންކާރުކުރުމުން ނެވެ.
މިކަމާއި ގުޅިގެން އެޑިއުކޭޝަން މިނިސްޓްރީން ބުނީ، އެ ތިން ޓީޗަރުން ސަސްޕެންޑުކޮށްފައިވަނީ ޤައުމީ މަންހަޖުގައި ބަޔާންކުރާ ލަނޑުދަނޑިތައް ހާސިލްވާނެހެން ކުރަންޖެހޭ ކަންކަން ކުރުމަށް އިންކާރުކުރުމުން ހަތް ދުވަހުގެ މުއްދަތަކަށް ކަމަށެވެ.
އެ މިނިސަޓްރީން ބުނީ، މުދައްރިސެއްގެ ވަޒީފާގެ މައިގަނޑު މަސްއޫލިއްޔަތަކީ އަދި ޒިންމާއަކީ ގައުމީ މަންޙަޖާ އެއްގޮތަށް ހަވާލުކުރެވޭ ކީސްޓޭޖެއްގެ ނުވަތަ އެ ގްރޭޑެއްގެ ދަރިވަރުންނަށް ގައުމީ މަންހަޖުގައި ބަޔާންކުރާ ލަނޑުދަނޑިތައް ހާސިލްވާނެހެން ކުރަންޖެހޭ އެންމެހާ ކަންކަން ކުރުން ކަމަށެވެ.
މިނިސްޓްރީން ބުނީ ސަސްޕެންޑުކުރީ، އެކަންކަން ހާސިލްކުރުމަށް ދަރިވަރުންނަށް ރާވައި ހިންގޭ ހަރަކާތްތަކުގެ ތެރެއިން ބައެއްކަންކަމަށް ފާޅުގައި ދެކޮޅުހަދައި އެކަންކަން ކުރުމަށް އިންކާރުކޮށް، އެކަމުގައި ސްކޫލުން އަންގާ އެންގުންތަކަށް ނުކިޔަމަންތެރިވެފައިވާތީ ކަމަށެވެ.
މިކަމާއި ގުޅިގެން އެ ޓީޗަރުންގެ ބަހެއް އަދި ލިބޭގޮތެއް ނުވެއެވެ.
