އެ ޤައުމުގެ ކޮކޮނަޓް ޑިވެލޮޕްމަންޓް އޮތޯރިޓީގެ ފަރާތުން ކުރިއަށް ގެންދާ މި ނީލަމުގައި މީގެ ހަފްތާއެއްހާ ދުވަސް ކުރިން 1،000 ކާށީ ގެ އެވުރޭޖު އަގު ހުރީ 66،247.20 ރުޕީސް ގައެވެ. އެހެން ނަމަވެސް މިހާރު އެ އަގު ވަނީ 69،975.88 ރުޕީސް އަށް އަރާފައެވެ.
ވޭތުވެދިޔަ ހަފުތާތަކުގައި ނީލަމުގައި ކާށި ވިއްކަން ހުރި އަގުތަކަށް ބަލާލާއިރު 1،000 ކާއްޓަށް ޖެހޭ އަގު އެންމެ މައްޗަށް އުފުލިފައިވަނީ 78،700 ރުޕީސް އަށެވެ. އޭގެ ހަފުތާ އެއް ކުރިން އެ އަގު ހުރީ 73،800 ރުޕީސް ގައެވެ. އަގުތައް އެންމެ ދަށަށް ގޮސްފައިވަނީ 58،900 ރުޕީސް އިން 58،500 ރުޕީސް އަށެވެ. ފާއިތުވި ތިން ހަފްތާގެ ތެރޭގައި ވެސް ކާށީގެ އަގުތައް ވަނީ 5.6 އިންސައްތަ މައްޗަށް ޖެހިފައެވެ.
ގިނަ ކާބޯތަކެތީގެ އަގުތައް ގާތްގަނޑަކަށް ދެގުނައަށް ބޮޑުވެފައިވަނީ މެކްރޯ އިކޮނޮމިސްޓުން ރޭޓް ދަމަހައްޓަން ދެ އަހަރު ދުވަހު ފައިސާ ޗާޕްކުރުމުގެ ސަބަބުން އެމެރިކާ ޑޮލަރަކަށް ޖެހޭ ރުޕީގެ އަގު 200 ރުޕީސް އިން 360 ރުޕީސް އަށް ވެއްޓުމާ ގުޅިގެންނެވެ.
ސްރީ ލަންކާ އިން ކާށި ސީދާ އެކްސްޕޯޓް ނުކުރި ނަމަވެސް ނީލަމުގައި އެންމެ ގިނައިން ކާށި ގަންނަ މީހުންނަކީ ކާށިން އެކި ބާވަތްތައް ތައްޔާރުކުރުމުގެ ދާއިރާތަކުގައި ހަރަކާތްތެރިވާ މީހުންނެވެ.
