ފަބްރީޒިއޯވަނީ މީގެ ކުރިން، ރާއްޖޭގައި އޮތް ސްޕޯޓްސް އެވޯޑްސް ހަފްލާގައި ބައިވެރިވުމަށްވެސް ރާއްޖެ އައިސްފައެވެ. މި ފަހަރު ރާއްޖެ އައިސް، ފަބްރީޒިއޯވަނީ ރާއްޖޭގެ ކުޅިވަރު ނޫސްވެރިންނާއެކު އެކުވެރިކަމުގެ ފުޓްސަލް މެޗެއްވެސް ކުޅެފައެވެ.
ކްރޮސްރޯޑުގައި ނޫސްވެރިންނާއެކު ކުޅުނު އެކުވެރިކަމުގެ ފުޓްސަލް މެޗުގައި ފަބްރީޒިއޯވަނީ ހެޓްރިކެއް ހަދައި އޭނާ ކުޅުނު ޓީމު މޮޅު ކޮށްދީފައެވެ. ކްރޮސްރޯޑްގައި ކުޅުނު މި މެޗުގައި ދެ ޓީމުގައިވެސް ކުޅިވަރު ނޫސްވެރިން ހިމެނުނު އިރު ސްޕޯޓްސް މިނިސްޓަރު އަހްމަދު މަހްލޫފުވެސް މި މެޗުގައި ބައިވެރިވެވަޑައިގެންނެވިއެވެ.
ފަބްރީޒިއޯވަނީ މެޗަށް ފަހު ނޫސްވެރިންނާ ވާހަކަ ދައްކަމުން ރާއްޖޭގެ ރީތިކަމަށް ތައުރީފުކޮށްފައެވެ. އަދި ފުޓްބޯޅައަށް ރަނގަޅަށް ފޯކަސްކޮށްގެން މަސައްކަތްކޮށްފިނަމަ ރާއްޖޭގައި ފުޓްބޯޅައިގެ ރަނގަޅު މުސްތަގުބަލެއް އޮންނާނެ ކަމަށް ބެލެވޭ ކަމަށް އޭނާ ބުންޏެވެ.
