Advertisement

އެމްޓީސީސީން ހާމަކޮށްފައިވާ ގޮތުގައި ހޯރަފުށީ މަގު ހެދުމުގެ މަސައްކަތުގެ ތެރެއިން ތާރު އެޅުމުގެ މަސައްކަތުގެ 90 އިންސައްތަ މަސައްކަތް ވަނީ ނިމިފައެވެ.

ހޯރަފުށީ މަގު ހެދުމުގެ މަސައްކަތަކީ 71.9 މިލިއަން ރުފިޔާގެ މަޝްރޫއެކެވެ. މި މަޝްރޫއުގެ ދަށުން، 5.3 ކިލޯ މީޓަރުގެ 11 މަގެއް ހެދުމާއި، 25909 އަަކަ މީޓަރުގެ ސަރަހައްދެއްގައި ދުއްވާ ސަރަހައްދު، 11114 އަަކަ މީޓަރުގެ ސަރަހައްދެއްގައި ޕޭވްމަންޓް ހެދުމުގެ މަސައްކަތް ކުރާނެ ކަމުގައި އެމްޓީސީސީން ހާމަކޮށްފައިވެއެވެ.

މީގެ އިތުރުން، ފެން ހިންދާ ނިޒާމެއް ގާއިމު ކުރުމާއި، މަގު ބައްތި ހަރު ކުރުމާއި މަގުމަތީ ނިޝާން ބެހެއްޓުމުގެ މަސައްކަތް ވެސް މި މަޝްރޫއުގެ ތެރޭގައި ހިމެނޭ ކަމުގައި އެ ކުންފުނިން ހާމަކޮށްފައި ވެއެވެ.