ރިޕޯޓްތައް ބުނާ ގޮތުން މި ހަރަކާތްތައް މާދަމާއިން ފެށިގެން ހަތަރު ދުވަހަށް ކުރިއަށްދާނެއެވެ. އެހެންމަވެސް އިވެންޓްތައް އޮންނާނެ ރަށްތައް އަދި ޕީޕީއެމުން ރަސްމީކޮށް އިއުލާންކޮށްފައެއް ނުވެއެވެ.
ނ. އަތޮޅުގައި ރައީސް ޔާމީންގެ ކެމްޕެއިން އިވެންޓްތަކެއް ކުރިއަށް ގެންދަން ނިންމިއިރު، ރައީސް ޔާމީންވަނީ ކުރިން ނ. އަތޮޅު މަޖިލިސް މެންބަރުކަން ކުރައްވާފައެވެ.
މިދިޔަ މަހުގެ ފަހުކޮޅު ރައީސް ޔާމީންގެ މައްޗަށް ދެ މައްސަލައެއްގައި ޖުމްލަ 11 އަހަރުގެ ޖަލު ހުކުމެއް އިއްވި ފަހުން އިދިކޮޅު ޕީޕީއެމުން އަންނަނީ ކޮންމެ ރެއަކު ކަހަލަ ގޮތަކަށް މާލޭގައި މުޒާހަރާ ކުރަމުންނެވެ.
11 އަހަރުގެ ޖަލު ހުކުމް ތަންފީޒު ކުރައްވަން ރައީސް ޔާމީން ފަށްޓަވާފައިވާއިރު، ޔާމީންގެ މައްޗަށް ތުހުމަތު ކުރެވޭ މަނީ ލޯންޑްރިންއާ ރިޝްވަތުގެ އެހެން މައްސަލައެއްގެ ޝަރީއަތް މިހާރުވަނީ ފެށިފައެވެ.
