މި މައްސަލަ އާންމުކޮށް މި ޒަމާނުގެ މީހުންނަށް ދިމާވަނީ މޭޒާ ދޮށުގައި ގިނަވަގުތު ހޭދަކުރުމާ، ކޮންޕިއުޓަރު ދޮށުގައި ގިނަވަގުތު ހޭދަކުރުމެވެ.

 ކޮނޑު ސޮހި، ގުދުލުމުގެ ސަބަބުން ހަށިގަނޑުގައި ލޭ ދައުރުވުން ދަށްވެ، ބޮލުގައި ރިއްސުމާ ބުރަކަށީގައި ރިއްސުންފަދަ މައްސަލަތައް ދިމާވެއެވެ. 

ބޮލީވުޑްގެ މަޝްހޫރު ތަރި ކަރީނާ ކަޕޫރުގެ ކޯޗު އަނުޝްކާ ވަނީ ގުދުލުމުން ސަލާމަތްވުމަށް ގޭގައި ފަސޭހައިން ކުރެވިދާނެ ފަސް ކަަސްރަތެއް ކިޔައިދީފައެވެ. 

1. ކެޓް އެންޑް ނިއުޓްރަލް ޕޯޒް

އަތް ކޮނޑާ ފުޅާމިނުގައި ވަކިން އަދި ކަކުލު ހުޅުން ސީދާ އުނަގަނޑުގެ ތިރީގައި ބަހައްޓާށެވެ. މިހާރު ކަނާތު ކޮނޑު ކައްސާލައިގެން ބޯ މައްޗަށް ގެނެސް އުނަގަނޑު ތިރިކޮށްލަމުން ނޭވާލާށެވެ. ދެން ފުންކޮށް ނޭވާ ދޫކޮށްލާފައި ބަނޑު ވައްދައިގެން ބުރަކަށި ގުދުކޮށްލާ ބޮލާއި އުނަގަނޑު ތިރިއަށް ގެންނަވާށެވެ.

ކެޓް އެންޑް ނިއުޓްރަލް ޕޯޒް

2. ޕަޕީ ޕޯޒް

ހަތަރު ފައިމައްޗަށް ތިރިވެ ނޭވާ ދޫކޮށްލާއިރު ކުރިމައްޗަށް އަތް ދިއްކޮށްލާށެވެ. އިނގިލިތައް ފަތުރާލުމަށްފަހު ތަޅުގައި އަތްތިލަ ފިއްތާލުމަށްފަހު މަޑުމަޑުން ނިތްކުރި މެޓަށް ދޫކޮށްލާއިރު މޭމަތި ތަޅުންގަނޑާ ދިމާއަށް ދޫކޮށްލާށެވެ. 

ޕަޕީ ޕޯޒް

3. ރެބިޓް ޕޯޒް

ކަކޫމައްޗަށް އިށީނދެ، ބޯ ބިންމައްޗަށް ވައްޓާލައިގެން، އަތުން ފައިގައި އަތްލާފައި، ރެބިޓް ޕޯޒްގައި މަދު ސިކުންތުކޮޅަކަށް މަޑުކޮށްލާށެވެ.

ރެބިޓް ޕޯޒް

4. ޑޮލްފިން ޕްލާންކް ޕޯޒް

ޓެބްލެޓް ޓޮޕް ޕޮޒިޝަންގައި ހުރެ، އަތްތިލަ ތަޅުމުގައި ފިތާލުމަށްފަހު، އުނަގަނޑާއެކު ފަޔާއި މުލައްދަނޑީގެ ބާރުން ހަށިގަނޑު އުފުލާލާށެވެ. 

ޑޮލްފިން ޕްލާންކް ޕޯޒް

5. ކައު ފޭސް އާމްސް ޕޯޒް

ކަކޫމައްޗަށް އިށީގެ އުނަގަނޑުން ތިރީގައި ފައި ފަޅާލައި، ބުރަކަށި ދިގުކޮށް، ކަނާތު ކޮނޑުގެ ތިރިން ބޭރަށް އުފުލާލާށެވެ. ކަނާތު އަތް އެއްފަރާތަކަށް ގެންގޮސް އެނބުރުވާލާނީ އަތްތިލަ ފަހަތަށް ވާގޮތަށް އަދި އިނގިލި ތިރިއަށް ލާށެވެ. ދެން، ކަނާތު އަތް އެއްފަރާތަކަށް ބޭރަށް ނެރެ ސީލިންގާ ދިމާލަށް މައްޗަށް ގެންދާށެވެ. އެއް އަތުން އަނެއް އަތުގައި ހިފާށެވެ. ނުވަތަ އިނގިލިތަކުގައި އަތްލާށެވެ.

ކައުފޭސް އާމް ޕޯޒް