ރައީސް އިބްރާހިމް މުހައްމަދު ސޯލިހުގެ ދައުވަތަަކަށް ކެމްބޯޑިއާގެ ބޮޑުވަޒީރު ރާއްޖެ ވަޑައިގަންނަވަނީ، މި މިމަހުގެ 15 އިން 17 އަށެވެ. 

މޯލްޑިވް އެއަޕޯޓްސް ކޮމްޕެނީ(އެމްއޭސީއެލް) އިން މިއަދު ބުނިގޮތުގައި،  ކެމްބޯޑިއާގެ ބޮޑުވަޒީރު ރާއްޖެ ވަޑައިގަންނަވާ ވަގުތު މާދަމާގެ 09:00 އިން 11:00 އަށް، އަދި ދަތުރުފުޅު ނިންމަވާލައްވާ ދުވަހުގެ 07:30 އިން 08:30 ގެ ނިޔަލަށް، ބައެއް މަގުތަކާއި ފަޅުތައް ބަންދުވާނެ ކަމަށެވެ. އެވަގުތު ތަކުގައި އެ ބަންދުކޮށްފައިވާ ސަރަހައްދުތަކުން ހިނގުމުގައި ވެސް ސެކިއުރީޓީ ބަލަހައްޓަވާ ފަރާތްތަކުގެ އިރުޝާދަށް ތަބާވުމަށް ވަނީ އަންގާފަ އެވެ

އެގޮތުން:

• އިންޓަނޭޝަނަލް ޓާމިނަލްގެ އުތުރު ކަންމަތިން ފެށިގެން، ޑޮމެސްޓިކް ޓާމިނަލްގެ އުތުރު ކަންމައްޗާއި ދެމެދު ބަންދުވާނެ
• މާދަމާގެ 09:00 އަދި 17 ވަނަ ދުވަހުގެ 07:30 ގެ އެއްގަޑިއިރު ކުރިން ކާގޯ ޓާމިނަލް ދިމާލުގައިވާ ނެރުން ފެށިގެން، ރަސްމީ ފާލަމާއި ދިމާލުގައިވާ ނެރާއި ހަމަޔަށް އެއްވެސް އުޅަނދެއް އަޅާފައި ނުބޭއްވުމަށް ވަނީ އަންގާަފައި
• މި ދެ ދުވަހު އެމްޓީސީސީގެ ބަސް އަދި އެމްއެސްސީއެލްގެ ސްޓާފް ބަސް ހުއްޓާނީ ވެސްޓާން ޕާކީން ސަރަހައްދަށް
• އެމްއޭސީއެލްގެ ފެރީ ގާތްކުރާނީ ވެސްޓާން ޕާކިން ސަރަހައްދުގެ ބަނދަރު(ބީ) އަށް