މޫސާ ސިރާޖް މަޖިލިސް ޖަލްސާއެއްގައި
މޫސާ ސިރާޖްގެ ތާއީދު ރައީސް ސޯލިހަށް
ސީއެންއެމް ނިއުސް ޓީމް
19 ޖެނުއަރީ 2023 - 19:12:03
މިމަހުގެ 28 ވަނަ ދުވަހު އޮންނަ އެމްޑީޕީގެ ޕްރައިމަރީގައި ރައީސް އިބްރާހިމް މުހައްމަދު ސޯލިހްއަށް ތާއީދު ކުރެއްވުމަށް ލ ފޮނަދޫ ދާއިރާގެ މެމްބަރު މޫސާ ސިރާޖް ނިންމަވައިފިއެވެ.
Advertisement
އެމްޑީޕީގެ ދެ ފެކްޝަނުގެ ތެރެއިން މޫސާ ސިރާޖް މިހާތަނަށް ފާހަގަވެފައިވަނީ ރައީސް މުހައްމަދު ނަޝީދުގެ ފެކްޝަނަށް ތާއީދު ކުރައްވާ މެމްބަރެއްގެ ގޮތުގައެވެ.
އެމްޑީޕީގެ ޕްރައިމަރީގައި ރައީސް ސޯލިހްއާއި ވާދަކުރައްވަނީ ރައީސް ނަޝީދެވެ. ދެ ބޭފުޅުންގެ ކެމްޕެއިން ފޯރި މިހާރުވަނީ ވަރަށް ގަދަވެފައެވެ.
ސިރާޖް ރައީސް ސޯލިހްއަށް ތާއީދު ކުރައްވާކަން ހާމަކުރެއްވީ މިއަދު ކުރެއްވި ޓްވިޓެއްގައެވެ.
"ކުރިއަށް އޮތް ރިޔާސީ އިންތިހާބު އެމްޑީޕީއަށް ކާމިޔާބު ކޮށްދެވޭނެ ކެންޑިޑޭޓަކާއެކު އިންތިހާބަށް ނުކުތުން މުހިންމު ކަމަށް ފެންނާތީ، ދާއިރާގެ ރައްޔިތުންގެ މަޝްވަރާއާއެކު އެމްޑީޕީގެ ރިޔާސީ ޕްރައިމަރީގައި ރައީސް އިބްރާހީމް މުހައްމަދު ސާލިހަށް ތާއީދުކުރުމަށް ނިންމައިފިން" ސިރާޖް ވިދާޅުވިއެވެ.
ޕްރައިމަރީގެ ކެމްޕެއިންގައި ރައީސް ސޯލިހްއާއި ރައީސް ނަޝީދު މިވަގުތުވެސް ތިއްބެވީ އަތޮޅުތެރޭގައެވެ.
50%
ކަމުގޮސްފި
0%
އަޑުއެހިތާ މިހުރީ
25%
ސަތޭކައަކުން ސުމެއް
25%
ވަރަށް ސަލާމް
ކޮމެންޓްސް
