ބޮޑުވަޒީރު ހުން ސެން އަށް މީހަކު ފުރައްސާރަ ކުރިކަމަށް ބަލާފައިވަނީ އޭނާ ރާއްޖޭގައި ޗުއްޓީ ހޭދަކުރައްވަނިކޮށް ނަގާފައިވާ ފޮޓޯއަކަށް މީހަކު ކުރި ކޮމެންޓެއްގެ ސަބަބުންނެވެ.
މިކޮމެންޓު ކުރުމާއެކު ހުން ސެން ވަނީ ފޭސްބުކް ކޮމެންޓެއްގައި ކެންބޯޑިއާ ފުލުހުން ޓެގް ކޮށް އެ މައްސަލަ ބެލުމަށް އަމުރުކުރައްވާފައެވެ. ހުން ސެން މީގެ ކުރިންވެސް ބައެއް މައްސަލަތައް ތަހުގީގު ކުރުމަށް ފޭސްބުކް މެދުވެރިކޮށް ފުލުހުންނަށް އަންގާފައިވެއެވެ.
މި މައްސަލަ ތަހުގީގުކުރުމަށް ހުން ސެން އެންގެވުމާގުޅިގެން ގިނަބައެއްގެ ފާޑުކިއުން ވެސް ވަނީ ހުން ސެންއަށް އަމާޒުވެފައެވެ. ސަބަބަކީ ފޮޓޯއަށް ކޮމެންޓު ކުރި މީހާ ކުރީ 'ފުރައްސާރައެއް' ކަމަށް ނުބެލެވޭތީކަމަށް ފާޑުކިޔާ މީހުން ބުނެއެވެ. އަދި ފޭސްބުކް މެދުވެރިކޮށް ފުލުހުންނަށް އަމުރުކުރުމަކީ ބަލައިގަނެވޭނެ ކަމެއް ނޫންކަމަށް ވެސް ފާޑުކިޔާ މީހުން ބުނެއެވެ.
ހުން ސެން ދިވެހިރާއްޖެއަށް ވަޑައިގެންފައިވަނީ މި ހިނގާ ޖެނުއަރީ މަހުގެ 15 ވަަނަ ދުވަހުއެވެ. އޭނާ ތިން ދުވަހުގެ ޗުއްޓީއެއް ހޭދަ ކުރައްވާފައިވަނީ އަޒޫރު މޯލްޑިވްސްގައެވެ.
