ads
މިދިޔަ އަހަރުގެ ހަތަރުވަނަ ކުއާޓަރުގައި އިންކަމް ޓެކްސްގެ ގޮތުގައި 404.21 މިލިއަން ރުފިޔާ މީރާ އަށް ވަނީ ލިބިފައި - ފޮޓޯ:މީރާ
ނިމިދިޔަ އަހަރުގެ ފަހު ކުއާޓަރުގައި އިންކަމް ޓެކްސްގެ ގޮތުގައި 404 މިލިއަން
ނިމިދިޔަ އަހަރުގެ ފަހު ކުއާޓަރުގައި އިންކަމް ޓެކްސްގެ ގޮތުގައި 404.21 މިލިއަން ރުފިޔާ ލިބިފައިވާ ކަމަށް މީރާއިން ހާމަކޮށްފިއެވެ.

މީރާއިން އެ ކަން ހާމަކޮށްފައިވަނީ އެ އޮތޯރިޓީން އާންމުކުރި ކުއާޓަލީ ރިޕޯޓުގައެވެ.

އެ އޮތޯރިޓީގެ ރިޕޯޓުގައިވާ ގޮތުގައި:

  • މިދިޔަ އަހަރުގެ ހަތަރުވަނަ ކުއާޓަރުގައި އިންކަމް ޓެކްސްގެ ގޮތުގައި 404.21 މިލިއަން ރުފިޔާ ލިބިފައިވޭ
  • މިއީ 2021 ވަނަ އަހަރުގެ ތިންވަނަ ކުއާޓަރާއި އަޅާބަލާއިރު 37 އިންސައްތައިގެ އިތުރުވުމެއް

މީރާއިން އާންމުކުރި ތަފާސް ހިސާބުތައް ދައްކާ ގޮތުން އިންކަމް ޓެކްސްގެ ގޮތުގައި ދައުލަތަށް އެންމެ ބޮޑު އާމްދަނީއެއް ލިބިފައިވަނީ ނަން-ރެޒިޑެންޓް ވިތްހޯލްޑިންގް ޓެކުހުންނެވެ.

ނަން-ރެޒިޑެންޓް ވިތްހޯލްޑިންގް ޓެކްސް

  • 2021 ވަނަ އަހަރުގެ ހަތަރުވަނަ ކުއާޓަރުގައި ލިބިފައިވަނީ 162.17 މިލިއަން ރުފިޔާ
  • 2022 ވަނަ އަހަރުގެ ހަތަރުވަނަ ކުއާޓަރުގައި 216.58 މިލިއަން ރުފިޔާ ލިބިފައިވޭ
  • މިއީ 33.6 އިންސައްތައިގެ އިތުރުވުމެއް
  • ލިބޭނެ ކަމަށް އަންދާޒާކުރި ވަރަށް ވުރެ 28.9 އިންސައްތައިގެ ކުރިއެރުމެއް

މީރާ އިން ބުނެފައިވާ ގޮތުގައި އިމާރާތް ކުރުމުގެ ދާއިރާއިންނާއި ފަތުރުވެރިކަމުގެ ދާއިރާގައި ހިމެނޭ ޓެކްސް ދައްކާ ފަރާތްތަކުން ވިތްހޯލްޑިންގް ޓެކްސްގެ ގޮތުގައި ރިޕޯޓުކޮށްފައިވާ މިންވަރު އިތުރުވެފައިވާތީ އެ އޮތޯރިޓީން އަންދާޒާކުރި އާމްދަނީ އާ އަޅާބަލާއިރު، ބަލައިގަތް އާމްދަނީ އިތުރުވެފައިވާ ކަމުގައެވެ. 

އިންކަމް ޓެކްސް: ކުންފުނިތަކާއި ފަރުދުން-ނޫން ފަރާތްތަކުން

  • ނިމިދިޔަ އަހަރުގެ ފަހު ކުއާޓަރުގައި 131.80 މިލިއަން ރުފިޔާ ވަނީ ލިބިފައި
  • މިއީ 2021 ވަނަ އަހަރުގެ އެ މުއްދަތާ އަޅާބަލާއިރު 71.9 އިންސައްތަ އިތުރު އަދަދެއް
  • ލިބޭނެ ކަމަށް އަންދާޒާކުރި ވަރަށް ވުރެ، 105.9 އިންސައްތައިގެ ކުރިއެރުމެއް

މިދިޔަ އަހަރުގެ ފަހު ކުއާޓަރުގައި ލިބުނު އާމްދަނީ 2021 ވަނަ އަހަރުގެ އެ މުއްދަތާ އަޅާބަލާއިރު އިތުރުވެފައިވަނީ ކުރީގެ ސުންގަޑިތަކަށް ނުދައްކާ ހުރި ފައިސާ ބަަލައިގަނެފައިވާތީ ކަމަށް މީރާ އިން ބުނެއެވެ. އެ އޮތޯރިޓީން ބުނީ ހަތަރު ވަނަ ކުއާޓަރަކީ އާމްދަނީން ނަގާ ޓެކުހުގެ ބަޔާން ހުށަހަޅާ، ފައިސާ ދައްކަންޖެހޭ ސުންގަޑިއެއް ވާ ކުއާޓަރެއް ނޫން ކަމަށެވެ.

ފަރުދުންގެ އާމްދަނީން ނަގާ ޓެކްސް

  • 2022 ވަނަ އަހަރުގެ ހަތަރުވަނަ ކުއާޓަރުގައި 55.82 މިލިއަން ރުފިޔާ ލިބިފައިވޭ
  • މިއީ 2021 ވަނަ އަހަރުގެ ތިންވަނަ ކުއާޓަރާ އަޅާބަލާއިރު 40.9 އިންސައްތައިގެ އިތުރުވުމެއް
  • އަންދާޒާ ކުރި އާމްދަނީ އާ އަޅާބަލާއިރު 80.2 އިންސައްތައިގެ ކުރިއެރުމެއް

ފަރުދުންގެ އާމްދަނީ ޓެކުހުގެ ތެރޭގައި ހިމެނެނީ ޕާސަނަލް އިންކަމް ޓެކުހާއި މުވައްޒަފުންގެ ވިތްހޯލްޑިންގް ޓެކްސްއެވެ.

2022 ވަނަ އަހަރުގެ ފަހު ކުއާޓަރުގައި ފަރުދުންގެ އާމްދަނީ ޓެކުހުގެ ޖުމްލަ އާމްދަނީގެ،

  • މުވައްޒަފުންގެ ވިތްހޯލްޑިންގް ޓެކުހުގެ ގޮތުގައި 88 އިންސައްތަ
  • ޕާސަނަލް އިންކަމް ޓެކުހުގެ ގޮތުގައި 12 އިންސައްތަ

މުވައްޒަފުންގެ ވިތްހޯލްޑިންގް ޓެކްސް

  • ނިމިދިޔަ އަހަރުގެ ފަހު ކުއާޓަރުގައި 49.12 މިލިއަން ރުފިޔާ ވަނީ ލިބިފައި
  • މިއީ 2021 ވަނަ އަހަރުގެ ހަތަރުވަނަ ކުއާޓަރާ އަޅާބަލާއިރު 39.6 އިންސައްތަ އިތުރު އަދަދެއް
  • އާމްދަނީގެ އެންމެ ބޮޑު ހިއްސާއެއް އަދާކުރަނީ ފަތުރުވެރިކަމުގެ ދާއިރާއިން

މީރާ އިން ބުނެފައިވާ ގޮތުގައި 2021 ވަނަ އަހަރުގެ ހަތަރުވަނަ ކުއާޓަރާ އަޅާބަލައި، އަންދާޒާ ކުރި އަދަދަށްވުރެ އިތުރަށް މިދިޔަ އަހަރުގެ ފަހު ކުއާޓަރުގައި އެ އޮތޯރިޓީއަށް ބަލައިގަތް އާމްދަނީ އިތުރުވެފައިވަނީ ފަތުރުވެރިކަމުގެ ދާއިރާއިން މުވައްޒަފުންގެ ވިތްހޯލްޑިންގް ޓެކުހުގެ ގޮތުގައި ދައްކާ މިންވަރު އިތުރުވަމުން އައުމުގެ ނަތީޖާއެއްގެ ގޮތުން ކަމުގައެވެ.

ޕާސަނަލް އިންކަމް ޓެކްސް

  • މިދިޔަ އަހަރުގެ ހަތަރުވަނަ ކުއާޓަރުގައި ލިބިފައިވަނީ 6.70 މިލިއަން ރުފިޔާ
  • މިއީ 2021 ވަނަ އަހަރުގެ އެ މުއްދަތާ އަޅާބަލާއިރު 51.0 އިންސައްތައިގެ އިތުރުވުމެއް
  • އަންދާޒާ ކުރި އާމްދަނީ އާ އަޅާބަލާއިރު 169.5 އިންސައްތައިގެ ކުރިއެރުމެއް

މިދިޔަ އަހަރުގެ ހަތަރު ވަނަ ކުއާޓަރުގައި ފަރުދުންގެ އާމްދަނީ ނަގާ ޓެކުހުގެ ގޮތުގައި މީރާއަށް ބަލައިގަތް އާމްދަނީ އަކީ ކުރީގެ ސުންގަޑިތަކަށް ދައްކާފައިވާ ފައިސާ ކަމަށާއި އެ ކުއާޓަރުގައި ފަރުދުންގެ އާމްދަނީން ނަގާ ޓެކުހުގެ ސުންގަޑިއެއް އައިސްފައި ނުވާ ކަމަށް އެ އޮތޯރިޓީން ބުނެއެވެ.

އާންމު ފަރުދުންގެ އާމްދަނީން ޓެކްސް ނަގަން ފަށާފައިވަނީ 2020 ވަނަ އަހަރުގެ އެޕްރީލު މަހުގެ އެއްވަނަ ދުވަހުން ފެށިގެންނެވެ. މި ޓެކްސް ނަގަނީ އާމްދަނީގެ ގޮތުގައި މަހަކު 60،000 ރުފިޔާއަށް ވުރެ އިތުރަށް އާމްދަނީ ލިބޭ ފަރާތްތަކުންނެވެ.

0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް