ތިމަރަފުށީ ދާއިރާގެ މެންބަރު އަބްދުﷲ ރިޔާޒު ހުށަހަޅުއްވާފައިވާ ނަފްސާނީ ސިއްހަތާގުޅޭ ކަންކަން ވަށާޖެހޭ ސިޔާސަތެއްގެ ތެރެއިން މި ހިދުމަތްތައް ލިބޭނެ ނިޒާމެއް ގާއިމްކުރުމަށް ސަރުކާރަށް ގޮވާލާ ހުށަހަޅާފައިވާ ގަރާރަށް ބަހުސްކުރައްވަމުން ހަސަން ޒަރީރު ވިދާޅުވީ، ދިވެހިރާއްޖެއަށް ދިމާވެފައިވާ އެންމެ ބޮޑު އެއް ބަލިމަޑުކަމަކީ ސިޔާސީ ގޮތުން ނަފްސާނީ ވަމުންދާ މީހުންނަށް ދިމާވެފައިވާ ބަލިމަޑުކަން ކަމަށެވެ.
މަތިވެރި ދާއިރާގެ މެމްބަރު ހަސަން ޒަރީރު ---
އޭނާ ވިދާޅުވީ ޕާޓީގެ ވެރިމީހާ ހައްޔަރުކުުރުމުން މުޒާހަރާ ކުރުމަކީ މައްސަލައެެއް ނޫންކަމަށެވެ. ނަމަވެސް، އަވަޓްޓެރި ގައުމުތަކާ ދިވެހިރާއްޖެއާއި ޖެހޭގޮތަށް މުޒާހަރާ ކުރުމަކީ ބަލައިގަނެވޭނެކަމެއް ނޫންކަމަށެވެ.
ޕީއެންސީގެ ޕީޖީ ލީޑަރު އާދަމް ޝަރީފް އަދި ޕީޕީއެމްގެ ރައީސް އަބްދުﷲ ޔާމިން
"އެބޭފުޅުން އެ މުޒާހަރާތައް ކުރަމުން އެ ގެންދަނީ ރައީސް ޔާމިން ސަލާމަތްކުރުމަށް. އެއީ އެބޭފުޅުން ކުރަންޖެހޭ ކަމެއް. އެކަމަކު އެ މުޒާހަރާތައް ވަކި ހިސާބަކަށް ނުދަނީސް ދެން އިވެނީ އެންމެ ބޮޑު އަވަށްޓެރި ގައުމަކާ ދެކޮޅަށް އަޑުއުފުލަމުން ދާތަން،"
ނަފްސާނީ ބަލިމަޑުކަމެއްގެ ތެރެއަށް ގައުމުގެ ސިޔާސީ ލީޑަރުން ގެނބިގެން ގޮސްފިނަމަ ލިބޭ ގެއްލުން ވަރަށް ބޮޑުވާނެކަމަށް ޒަރީރު ވިދާޅުވިއެވެ.
އެމްޑީޕީއަށް ނިސްބަތްވާ މެންބަރު ވިދާޅުވީ ޕީޕީއެމްއަދި ޕީއެންސީގެ ހާރިޖީ ސިޔާސަތާމެދު ވިސްނުމަށް ބަދަލެއް އައިސްފައިވާކަމަށާއި، ބަވަނަވަމުން އަންނަ ދުނިޔެެއެއްގައި އެ ބޭފުޅުންގެ ހާރިޖީ ސިޔާސަތު ކަމުނުދާކަމަށެވެ.
