ޓޮމް މިހެން ވިދާޅުވީ އޭނާގެ ބައްޕަ، އދ. މަހިބަދޫ ކަންމަތީގޭ އިބްރާހިމް އާދަމް އަށް ނޭގި އޭނާ އަދާލަތު ޕާޓީއަށް ވައްދާފައިވާކަން ހާމަވުމާއި ގުޅިގެންނެވެ.
ބުރާސްފަތި ދުވަހު ޓޮމް ވިދާޅުވީ މި މައްސަލަ ބަލައިދިނުމަށް އޭނާގެ ބައްޕަ އެދިލައްވާފައިވާކަމަށެވެ. އޭނާގެ ބައްޕަގެ ބަދަލުގައި ސޮއިކުރި ފަރާތްތައް ހޯދާ ފިޔަވަޅު އާޅާނެކަމަށް ވެސް ޓޮމް ވަނީ އިންޒާރު ދެއްވާފައެވެ.
މިދިޔަ އަހަރުގެ ޑިސެންބަރު މަހާހަމައަށް އަދާލަތު ޕާޓީގައި ތިބީ، 10239 މެންބަރުންކަަމަށް އިލެކްޝްންސް ކޮމިޝަނުގެ ތަފާސް ހިސާބުތަކުން ދައްކައެވެ.
ދިހަ ހާސް މެންބަރުން ހަމަކުރުމުގެ މަސައްކަތް އަދާލަތު ޕާޓީ އިން ފަށައިފިވަނީ މީގެ ހަތަރު އަހަރު ކުރިން 2018 ވަނަ އަަހަރުގެ ނޮވެންބަރު މަހުގެ ތެރޭގައެވެ. އޭރު އަޕާޓީގައި ތިބީ 6500 އެއްހާ މެންބަރުންނެވެ.
އަދާލަތު ޕާޓީން ކުރިއަށް އޮތް 10 އަހަރަށް އަމާޒުކޮށްގެން ސްޓްރެޓެޖިކް ޕްލޭނެއް ވަނީ މިދިޔަ އަހަރު އެކުލަވާލާފައެވެ. އަދި އަނެއްކާވެސް އެ ޕާޓީގެ މެންބަރުން އިތުރުކުރުމަށް ދަތުރުތަކެއް މިދިޔަ އަހަރު ފަހުކޮޅުގައި ވަނީ ފަށާފައެވެ.
އަދާލަތު ޕާޓީ އުފެއްދީ 2005 ވަނަ އަަހަރުގެ އޮގަސްޓުމަހުއެވެ.
