ސަނާގެ ނަމުން މަޝްހޫރު މި މީސްމީޑިއާ ތަރީގެ އިންސްޓަގުރާމް އެކައުންޓުގައި ދެ ލައްކައަށްވުރެ ގިނަ ފޮލޯވަރުން ތިބެއެވެ.
ސަނާގެ އިތުރު ހަތް މީހެއްގެ މައްސަލަ ޕްރިތުވީ ވަނީ ފުލުހުންނަށް ރިޕޯޓުކޮށްފައެވެ. ކުރިކެޓު ކުޅުންތެރިއާއަށް ހަމަލާ ދިނުމުގެ އިތުރުން އެމީހުން ވަނީ އޭނާގެ ކާރުގެ ވިންޑު ޝީލްޑް ވެސް ތަޅާލާފައެވެ.
އެނާ ފުލުހަށް ހުށަހަޅި މައްސަލައިގައި އެމީހުންގެ އަތުން ބަދަލުގެ ގޮތުގައި 50،000 ރުޕީޒް ހޯދުމަށް ވެސް ވަނީ އެދިފައެވެ.
ޕްރިތުވީ ޝޯ އަށް ސަނާ ހަމަލާ ދެނީ
ހަމަލާ ދޭން އެމީހުން ތިބީ ހޮޓަލުގެ ބޭރުގައި މަޑުކޮށްގެން:
މި ހާދިސާ ހިނގާދިޔަގޮތް ކިޔާދެމުން ފުލުން ބުނެފައިވަނީ ޕްރިތުވީ އެންމެ ފުރަތަމަ ސަނާއާއެކު ސެލްފީ ނެގިކަމަށެވެ. ނަމަވެސް ފަހުން ސަނާ ރަހުމަތްތެރިން ގޮވައިގެން އައުމުން ސެލްފީ ނަގަން ޕްރިތުވީ ދެކޮޅު ހެދިކަމަށެވެ. އަދި އަޑުގަދަ ކުރަން ފެށުމުން އެމީހުން ތިބި ހޮޓަލުގެ ސެކިއުރިޓީ މެދުވެރިކޮށް ސަނާއާއި އޭނާގެ ރަހުމަތްތެރިން ހޮޓަލުންބޭރުކޮށްލިކަމަށެވެ.
ކުރިކެޓު ކުޅުންތެރިއާ އޭނާގެ ކާރުގައި ނުކުތުމުން ކާރުގެ ފަހަތުން ދުވެ އެމީހުން ވަނީ އޭނާ ހުއްޓުވާފައެވެ. ކާރުން ނެރި އެނާއަށް ވަނީ ބޭސްބޯޅަ ބެޓަކުން ހަމަލާ ދީފައެވެ.
އިންޑިއާގެ އަމިއްލަ ދަނޑުގައި ނިއުޒިލެންޑާ ދެކޮޅަށް ކުޅުނު ސީރީޒް މެޗުން ބަލިވުމަށްފަހު ޕްރިތުވީ ޝޯ ވަނީ ކްރިކެޓުން ބްރޭކެއް ނަގައިފަ އެވެ. އޭނާ ޓީ20އައި ޓީމަށް އަނބުރާ ގެނެސްފައިވަނީ ޖެނުއަރީ މަހު ބްލެކްކެޕްސްއާ ދެކޮޅަށް ކުޅުނު 3 މެޗުގެ ސީރީޒަކަށެވެ. ނަމަވެސް މުމްބާއީގައި ކުޅުނު ފުރަތަމަ މެޗުގައި ކުޅުނު އެގާރައިން ފުރުސަތެއް އޭނާއަކަށް ނުލިބުނެވެ.
