ކަންގަނާ އަދި އަމީތާބް ބަޗަން
އަމީތާބާއި ޓައިގާ އަކީ ބޮލީވުޑްގެ މާފިއާ: ކަންގަނާ
އައިޝަތު ނޫރާ
23 ފެބްރުއަރީ 2023 - 10:20:46
އަމީތާބު ބަޗަން އަދި ޓައިގާ ޝްރޮފް އަކީ ބޮލީވުޑްގެ މާފިއާ މެންބަރުންކަމަށް ބޮލީވުޑްގެ ތަރި ކަންގަނާ ރަނައުތު ތުހުމަތުކޮށްފިއެވެ.
Advertisement
ކަންގަނާގެ ރުޅިގަނޑު މި ދެ ތަރިންނަށް ބާލާފައިވަނީ އެނާގެ އެންމެ ފަހުގެ ފިލްމު 'އެމަޖަންސީ' އަޅުވާދުވަހު އަމީތާބް އާއި ޓައިގާ އަދި ކްރިތީ ސެނޮންގެ ފިލްމު 'ގަނަޕަތް' އެޅުވުމަށް ނިންމާފައިވާތީއެވެ.
މި ދެ ފިލްމު ވެސް ތިއޭޓަރަށް އަންނާނެކަމަށް އިއުލާނުކޮށްފައިވަނީ އަންނަ އޮކްޓޫބަރު މަހުގެ 20 ވަނަ ދުވަހުއެވެ.
"އެމެޖެންސީ އަޅުވާނެކަން އިއުލާނުކޮށްފަ އޮތީ މާ ކުރިން. ފިލްމު ކަލަންޑަރުވެސް ބަލާފަ އިއުލާނު ކުރީ. އެކަމަކު ގަނަޕަތް އަޅުވަން މި ނިންމީ ހަމައެ ދުވަހު. ސެޕްޓެމްބަރު ނޮވެންބަރު އަދި ޑިސެންބަރު ވެސް އޮއްވަ ހަމަ މި ފިލްމު އަޅުވާދުވަހަށް ޝެޑިއުލް ކުރީ،" ކަންގަނާ އޭނާގެ މާޔޫސްކަން ހިއްސާކުރަމުން ބުންޏެވެ.
ކަންގަނާ ބުނީ އޭނާގެ ފިލްމު އަޅުވާ ދުވަސް މިހާރު ބަދަލުކޮށްފައިވާކަމަށެވެ. އަދި ދެން ފިލްމު އަޅުވާ ދުވަސް އިއުލާނު ކުރާނީ އެއް މަސް ދުވަސްކުރިން ފިލްމުގެ ޓްރެއިލަރާ ވެސް އެކުކަމަށެވެ.
"އަމީތާބް އަދި ޓައިގާ އަކީ ބޮލީވުޑްގެ މާފިއާއިން، ފިލްމު އަޅުވާ ދުވަސް ބަދަލުކުރާނަން. ދެން ފިލްމުގެ ޓްރެއިލާއާއެކު އާ ދުވަހެއް އަންގާނަން،" -ކަންގަނާ-
މިފަދަ ތުހުމަތުތަކެއް ކަންގަނާ އަމީތާބް އަށް ކުރި ނަމަވެސް، 2019 ވަނަ އަަހަރު އަމީތާބް ބުނެފައިވަނީ ކަންގަނާއަކީ އިންޑިއާގައި ހުރި އެންމެ މޮޅު އާޓިސްޓުކަމަށެވެ.
0%
ކަމުގޮސްފި
33%
އަޑުއެހިތާ މިހުރީ
67%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
