ސައުތު ކޮރެއާގެ ގައުމީ ޓީމުގެ ކޯޗުކަމުގެ މަގާމަށް، ކްލިންސްމަން ހަމަ ޖެއްސީ ކުރިން އެ މަގާމުގައި ހުރި ޕޯޗުގަލްގެ ކޯޗު ޕައޮލޯ ބެންޓޯ ވޯލްޑް ކަޕަށް ފަހު މަގާމުން އިސްތިއުފާ ދިނުމުންނެވެ.
ޕައޮލޯ ބެންޓޯވަނީ ގަތަރު ވޯލްޑް ކަޕްގެ ގަދަ 16 ބުރުގައި ބްރެޒިލް ސައުތު ކޮރެއާ ކެޓުމުން މަގާމުން އިސްތިއުފާ ދީފައެވެ.
ސައުތު ކޮރެއާގެ ގައުމީ ޓީމުގެ ކޯޗުކަމުގެ މަގާމަށް، އުމުރުން 58 އަހަރުގެ ކްލިންސްމަން ހަމަ ޖެއްސީ2026 ވަނަ އަހަރުގެ ވޯލްޑް ކަޕްގެ ނިޔަލަށެވެ. އަންނަ ހަފްތާގައި އޭނާ ރަސްމީކޮށް ސައުތު ކޮރެއާ ޓީމާއެކު މަސައްކަތް ފަށާނެއެވެ.
އޭނާގެ އިރުޝާދުގެ ދަށުން ސައުތު ކޮރެއާ އެންމެ ފުރަތަމަ ކުޅޭ މެޗަކަށް ވެގެންދާނީ އަންނަ މަހު 24 ވަނަ ދުވަހު ކޮލަމްބިއާއާ ދެކޮޅަށް އެކުވެރިކަމުގެ މެޗެއްގައި ކުޅޭނެ އެވެ.
ކްލިންސްމަންވަނީ އޭނާގެ އިރުޝާދުގެ ދަށުން، 2006 ވަނަ އަހަރު ޖަރުމަނުން އަމިއްލަ ގައުމުގައި ބޭއްވި ވޯލްޑް ކަޕްގެ ތިން ވަނަ އެ ޓީމަށް ޖަރުމަނަށް ހޯދައިދީފައެވެ. އެއީ ކޯޗިން ކެރިއަރުގައި އޭނާގެ އެންމެ ބޮޑު ކާމިޔާބީއެވެ.
