އެއްބަސްވުމުގައި ސޮއިކުރުމަށް އެމްއެންޔޫގައި ބޭއްވި ރަސްމިއްޔާތުގައި އެ ޔުނިވަސިޓީގެ ފަރާތުން ސޮއިކުރެއްވީ ވައިސް ޗާންސެލަރު ޑރ. މުހައްމަދު ޝަރީފްއެވެ. އަދި ސޮނެވާ މޯލްޑިވްސްގެ ފަރާތުން ސޮއިކުރެއްވީ ސޮނެވާ ފުޝީގެ ޖެނެރަލް މެނޭޖަރު ޕީޖޭ މަޔާންދީ އާއި ސޮނެވާ ޖާނީގެ ޖެނެރަލް މެނޭޖަރު އެޑީ ޓެހްއެވެ.
އެމްއެންޔޫއިން ބުނީ މި އެއްބަސްވުމަކީ ފަތުރުވެރިކަމުގެ ދާއިރާއިން މީހުން ބިނާކުރުމަށް ވެވުނު އެއްބަސްވުމެއް ކަމަށެވެ. މި އެއްބަސްވުމުގެ ސަބަބުން ފަތުރުވެރިކަމުގެ ސިނާއަތާއި އެކަޑަމީއަށްވެސް ފައިދާ ކުރާނެކަމަށް އެމްއެންޔޫއިން ބުނެއެވެ.
އެމްއެންޔޫއިން ބުނި ގޮތުގައި މި އެއްބަސްވުމާ އެކު އެ ޔުނިވަސިޓީ އާއި ސޮނެވާގެ ދަރިވަރުންނާއި މުވައްޒަފުންގެ ގާބިލުކަން ތަރައްގީކުރުމަށް މަސައްކަތް ކުރެވޭނެ ކަމުގައެވެ. މީގެ އިތުރުން އިންޓަންސްއަށް ވަޒީފާގެ ފުރުސަތުތައް ފަހިވެގެންދާނެ ކަމަށް އެމްއެންޔޫއިން ބުނެއެވެ.