ރައީސް ސޯލިހް ޖުޑިޝަރީގެ ބައެއް ބޭފުޅުންނާއިއެކު
ޑިޖިޓަލް މުސްތަގުބަލަަކަށް، އަންހެނުން ބާރުވެރިކުރުން މުހިންމު: ރައީސް
ސީއެންއެމް ނިއުސް ޓީމް
08 މާރޗް 2023 - 14:58:07
ކުރިއަރާފައިވާ ދުނިޔޭގައި އަންހެނުން ބާރުވެރި ކުރުވުމަށް ޑިޖިޓަލް ދާއިރާއިން އަންހެނުން ބާރުވެރިކުރުމަކީ މުހިންމު ކަމެއް ކަމަށް ރައީސް އިބްރާހިމް މުހައްމަދު ސޯލިހް ވިދާޅުވެއްޖެ އެވެ.
ރައީސް ސޯލިހް މިހެން ވިދާޅުވީ މިއަދު ފާހަގަ ކުރަމުންދާ ބައިނަލްއަގްވާމީ އަންހެނުންގެ ދުވަހުގެ މުނާސަބަތުގައި، ކުރެއްވި ޓްވެޓެއްގައެވެ.
"މި ބައިނަލްއަގްވާމީ އަންހެނުންގެ ދުވަސް ހަނދާންކޮށްދެނީ، މުޖުތަމައުގައި އަންހެނުން އަދާކުރަނީ އަގު ނުކުރެވޭނެ މުހިއްމު ރޯލެއްކަން، ޑިޖިޓަލް މުސްތަގުބަލު ބައްޓަން ކުރުމަށް އަންހެނުން ބާރުވެރިކުރުވުމަށްޓަކައި ޑިޖިޓަލް ވަސީލަތްތަކަށް އަންހެނުން އަހުލުވެރި ކުރުވުމަށް އިތުރު ސަމާލުކަމެއް ދޭން ޖެހޭ" ރައީސް ވިދާޅުވިއެވެ.
މިއަހަރަށް ރައްޔިތުންގެ މަޖިލިސް ހުޅުވުމުގެ ޖަލްސާގައި ވާހަކަފުޅު ދައްކަވަމުން ވެސް ރައީސް ވަނީ އަންހެނުން ބާރުވެރި ކުރުވުމަށް އިތުރު މަސައްކަތްތައް ކުރަން ޖެހޭކަމަށް ވިދާޅުވެފައެވެ.
ބައިނަލްއަގްވާމީ އަންހެނުންގެ ދުވަހަކީ ކޮންމެ އަހަރެއްގެ މާޗް މަހުގެ 8 ވަނަ ދުވަހެވެ. މިދުވަސް ރާއްޖޭގައި ކުލަގަދަކޮށް ފާހަގަ ކުރުމަށް ތަފާތު ހަރަކާތްތައް ދަނީ ހިންގަމުންނެވެ.
އެގޮތުން ސަރުކާރުގެ އިދާރާތަކާއި ސަރުކާރު ހިއްސާވާ ކުންފުނިތަކުން ގެންދަނީ އަންހެނުންގެ ދުވަސް ފާހަގަ ކުރުމަށް ކަނބަލުންނަށް ހާއްސަ ހަރަކާތްތައް ހިންގަމުންނެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
