Advertisement

'ދިވެހިރާއްޖޭގައި ހަކަތައިގެ އާންމު ހިދުމަތުގެ ގަވާއިދު' އަކީ ދިވެހިރާއްޖޭގެ ހަކަތައިގެ ގާނޫނުގެ ދަށުން ބާރު ލިބިގެން ހަދައިފައިވާ ގަވާއިދެކެވެ. މި ގަވާއިދު އެކުލަވާލާފައިވަނީ ޔުޓިލިޓީ ރެގިއުލޭޓަރީ އޮތޯރިޓީ އާއި އެންޔަވަރަންމަންޓް މިނިސްޓްރީއާއި ގުޅިގެންނެވެ.

އެ އޮތޯރިޓީން އާންމު ކުރި އިއުލާނެއްގައި ބުނީ މި ގަވާއިދަށް އެއްވެސް ހިޔާލެއް އޮތްނަމަ، އެކަން އެ އޮތޯރިޓީގެ އީމެއިލް [email protected] އަށް ފޮނުވުން އެދޭ ކަމަށެވެ. މި ގަވާއިދަށް ހިޔާލު ހުށަހެޅުމުގެ ސުންގަޑި އަކީ މި މަހުގެ 23 ވާ ބުރާސްފަތި ދުވަހުގެ 14:00 ކަމަށް ވެސް ޔުޓިލިޓީ ރެގިއުލޭޓަރީ އޮތޯރިޓީން ބުނެއެވެ.

ހަކަތައިގެ އާންމު ހިދުމަތުގެ ގަވާއިދުގެ މަގުސަދުތައް:

• ހަކަތައިގެ ނިޒާމުތަކުން ހިދުމަތް ދިނުން
• ހަކަތައިގެ ނިޒާމު ފަރުމާކުރުމާއި ގާއިމުކުރުން
• ހަކަތައިގެ ނިޒާމު ގާއިމު ކުރުމަށާއި ހިދުމަތް ދިނުމަށް ބޭނުންކުރާ ސާމާނު ޓެސްޓުކޮށް ސެޓިފައިކުރުން
• ހަކަތަ އުފައްދާ ފޯރުކޮށްދޭ ނިޒާމުގެ ޕަފޯމަންސް އާއި ސަމަކާރަ ޔަގީންކުރުން
• ހަކަތައިގެ ޕްލޭންތައް ތައްޔާރުކުރުން
• ހަކަތައިގެ ނިޒާމުތައް ރައްކާތެރިކަން ކަށަވަރުކުރުން
• ހަކަތައިގެ ހިދުމަތްތަކުގެ ފެންވަރު ކަށަވަރުކުރުން