އަފީފް މިއަދު މިހެން ވިދާޅުވީ ގްލޯބަލް އޯގަނައިޒޭޝަން އޮފް ޕާލިމެންޓޭރިއަންސް އެގެއިންސް ކޮޕރަޕްޝަންގައި ދިވެހިރާއްޖޭގެ ރައްޔިތުންގެ މަޖިލީސް ބައިވެރިވުމާގުޅޭގޮތުން ހުށަހަޅާފައިވާ މައްސަލައަށް ބަހުސްކުރައްވަމުން ރައްޔިތުންގެ މަޖިލީހުގެ ޖަލްސާގައި ވާހަކަ ދައްކަވަމުންނެވެ.
އަފީފު ވިދާޅުވީ، ކަރަޕްޝަނުގެ އަމަލުތައް ހިނގާ މީހުންނާމެދު 'ޒީރޯ ޓޮލަރެންސް' ގެންގުޅޭނަކަމަށް ވިދާޅުވެފައި އޮތް ނަމަވެސް އެކަން އެގޮތައް ކުރާތަން ނުފެންނަކަމަށެވެ. އަދި ރާއްޖޭގައި ކަރަޕްޝަންގެ ވަބާ އަނެއްކާވެސް އިންތިހާއަށް ބޮޑުވެފައިވާކަމަށެވެ.
އަފީފް ވިދާޅުވީ ރައްޔިތުންގެ މަޖިލީހުގެ މެންބަރުންނަކީ ކޮރަޕްޝަން ފަދަ އަަމަލުތައް ހުއްޓުވަން ޖެހޭބައެއް ކަމަށެވެ. ނަމަވެސް އެފަދަ ވާހަކައެއް ދައްކައިފިނަމަ އެ މެންބަރަކީ 'އިދިކޮޅު މެންބަރެއް' ކަމަށް ބުނެ ލޭބަލް ކުރާކަމަށެވެ.
އޭނާ ވިދާޅުވީ ކަރަޕްޝަނުގެ ތުހުމަތުކުރެވެނީ މިނިސްޓަކަށް ވިއަސް ނުވަތަ މަޖިލީހުގެ މެންބަރެއް ކަމަށްވިއަސް އެކަން ބަލަންޖެހޭނެކަމަށެވެ.
