މާލޭގައި ހިންގަމުން ދިޔަ ކެމިކަލް ގުދަން: ފޮޓޯ އާދިލް
ކެމިކަލް ގުދަން ހުސްކޮށްފި
ސީއެންއެމް ނިއުސް ޓީމް
04 އޭޕްރީލް 2023 - 13:24:02
މާލޭގައި ގުދަނެއްގައި ކެމިކަލް ބަހައްޓައިގެން ގެންގުޅުނު މައްސަލާގައި، އެކަން ފެންމަތިވުމުން ގުދަން ހުސްކޮށްފި އެވެ.
Advertisement
ފުލުހުން ބުނީ ގުދަނުގައި ހުރި ކެމިކަލްތައް މިހާރު ހުޅުމާލެއަށް ބަދަލު ކޮށްފައިވާ ކަމަށެވެ.
އާއްމު ފަރާތަކުން މިމައްސަލަ ސޯޝަލް މީޑިއާގައި އާއްމު ކުރުމުން އެމްއެންޑީއެފުން އިއްޔެ ބުނެފައިވަނީ އެތަނަށް އެޓެންޑްވެ އިންސްޕެކްޝަނެއް ހަދާފައިވާ ކަމަށާއި، ފުލުހުން އެމައްސަލަ ބަލަމުން ގެންދާކަމަށެވެ.
"މި މަޢުލޫމާތު ލިބުމުން އެމް.އެން.ޑީ.އެފްގެ ފަޔަރ އެންޑް ރެސްކިޔުގެ ޓީމުން މިތަނުގެ އިނީޝިއަލް އިންސްޕެކްޝަނެއްވަނީ ހަދާފައި. އަދި މިތަނުގައި ގަވާއިދާއި ހިލާފަށް ބައެއް އެއްޗެތި ގުދަން ކޮށްފައިވާކަން ފާހަގަކުރެވިފައިވާތީ މިކަން ދިވެހި ފުލުހުންގެ ސަމާލުކަމަށް ގެނެވި ފުލުހުން މިކަމަށް އެޓެންޑްވަމުންދާކަމުގައި ދަންނަވަން" - އެމްއެންޑީއެފް
މާލޭގައި މީގެކުރިން 126 ކެމިކަލް ގުދަން ގިންގަމުން ގެންދިޔައެވެ. ނަމަވެސް މާލޭގައި ނުރައްކާތެރި އަލިފާނުގެ ހާދިސާތައް ހިނގަމުން ދިއުމުގެ ސަބަބުން ސަރުކާރުން ވަނީ ކެމިކަލް ގުދަންތަކަށް ތިލަފުއްޓާއި ހުޅުމާލޭ ސިނާއީ ސަރަހައްދުން ބިން ދޫކޮށްފައެވެ.
މީގެއިތުރުން މާލޭގައި އަދި މީހުން އުޅޭ ސަރަހައްދުތަކުގައި ކެމިކަލް ގުދަން ކުރުން ސަރުކާރުންވަނީ މަނާކޮށްފައެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
