ރޭ ރަޔޯ ވަޔެކާނޯއާ ކުޅުނު މެޗަކީ އެއްވަނައިގައި ފަރަގު ފުޅާކޮށްލަން ބާސެލޯނާއަށް ލިބުނު ފުރުސަތެކެވެ. އެއީ އަންގާރަ ދުވަހުގެރޭ ރެއާލް މެޑްރިޑް ޖިރޯނާ އަތުން ބަލިވެފައިވާތީއެވެ.
ރޭގެ މެޗުން މޮޅުވިނަމަ، 14 ޕޮއިންޓަށް ލީޑުފުޅާކުރުމުގެ ފުރުސަތު ބާސާއަށް އޮތެވެ. އެކަމަކު، ވަޔެކާނޯ އަތުން ބަލިވުމުން ބާސެލޯނާ އެއް ވަނައިގައި އޮތީ 11 ޕޮއިންޓުގެ ލީޑަކާ އެކުއެވެ. އެއީ، 31 މެޗުން 76 ޕޮއިންޓް ހޯދައިގެންނެވެ. ދެ ވަނައިގައި އޮތް ރެއާލަށް ވަނީ 31 މެޗުން 65 ޕޮއިންޓް ލިބިފަ އެވެ.
ބާސާއިން ލީގުގައި ދެން ކުޅެން ޖެހޭ ބާކީ ހަތް މެޗުގެ ތެރެއިން ހަތަރު މެޗުން މޮޅުވެގެން ލީގު ލިބޭނެއެވެ.
ރޭގެ މެޗުގައި ރަޔޯ އިން ރޭގެ މެޗުގައި ލީޑުނެގީ 18 ވަނަ މިނިޓްގައި އަލްވާރޯ ގާސިއާ ޖެހި ގޯލުންނެވެ. ދެވަނަ ލަނޑު ދެވަނަ ހާފުގައި ޖެހީ ފްރާން ގާސިއާ އެވެ. ބާސެލޯނާ އަށް މެޗުގައި ޖަހައިދިން ހަމައެކަނި ލަނޑު ކާމިޔާބުކުރީ 83 ވަނަ މިނިޓްގައި ލެވަންޑޯސްކީ އެވެ.
