އިންސްޓާ ގްރާމްގައި، ބަރަހަނާ ފޮޓޯތައް އާއްމު ކުރަމުންދާ އެ އަންހެން މީހާ އެކަން ކުރާތާ ދުވަސްތަކެއް ވެއްޖެއެވެ.
މޫނު ނުފެންނަ ގޮތަށް ނަގާފައިވާ ގިނަ ފޮޓޯތައް ނަގާފައިވެސް ހުންނަނީ ހުޅުމާލޭގެ ދެވަނަ ފިޔަވަހީގެ އާއްމު ސަރަހައްދު ތަކުގައެވެ. އަދި ފުލް ފޮޓޯތަކާއި ވީޑިއޯތައް ބަލަން ބޭނުން ނަމަ އެ ފޮޓޯތަކާއި ވީޑިއޯތައް އާއްމުކޮށްފައިވާ ވެބްސައިޓްތަކަށް ވަނުމަށް އޭނާ އެދެއެވެ.
އަދި އެކަމަށް އޭނާ އަގުވެސް ނަގަމުން ގެންދެއެވެ. ބޭރުގެ ބަރަހަނާ ސައިޓްތަކަށް ފޮޓޯތައް ވިއްކަމުންދާ އަންހެން މީހާ ބުނަގޮތުން އޭނާއަކީ ދިވެހި "ޕޯން ސްޓާ" އެކެވެ.
މިމައްސަލަ ފުލުހުންގެ ސަމާލުކަމަށް އައިސްފައިވާކަމަށާއި އެކަމާ ގުޅެގޮތުން ބަލަންޖެހޭ ކަންކަން ބަލަމުން ގެންދާކަމަށް "ސީއެންއެމް" އަށް ފުލުހުން ވަނީ ބުނެފައެވެ.
މިމައްސަލަ ފުލުހުން ބަލަން ފެށުމުން އަދި މީޑިއާގައި މި ވާހަކަ ރިޕޯޓްކުރުމުން، އަންހެން މީހާވަނީ އިންސްޓާގްރާމުގައި ހުރި އޭނާގެ ފޮޓޯތައް ރޭ ޑިލީޓްކޮށްލާ، އެކައުންޓްވެސް ޑިއެކްޓިވޭޓްކޮށްފައެވެ.
