އަންޖޫ އަދި އަނޫ
އަނޫޖް އާއި އަނޫއާ ދުރުގައި ހުންނަންޖެހުނު ސަބަބާ މެދު ބޮޑެތި ފާޑުކިއުންތަކެއް
އައިޝަތު ނޫރާ
28 މޭ 2023 - 12:27:20
އަނޫޖް ކަޕަޑިއާ އަނޫމާއާ ދުރުގައި ހުންނަން ޖެހުނު ސަބަބާއި މެދު "އަނުޕާމާ" ގެ ސަޕޯޓަރުން މާޔޫސްވެއްޖެ އެވެ.
"އަނުޕާމާ" އަކީ ގިނަބައެއްގެ ޝައުގުވެރިކަން ދަމައިގަނެފައިވާ ޓީވީޝޯއެކެވެ. ނަމަވެސް އެ ޓީވީގެ ވާހަކައަށް އައި ކުއްލި ބަދަލާއެކު ގިނަބަޔަކު އަންނަނީ އެ ޓީވީޝޯއަށް ފާޑުކިޔަމުންނެވެ.
އެންމެ ފަހުގެ އެޕިސޯޑުގައި އަނޫޖް ހާމަކުރަނީ އޭނާ އަނޫމާއާ ދުރުގައި ހުންނަނީ މާޔާގެ ނަފްސާނީ ހާލަތު ރަނގަޅު ނުވާތީ ކަމަށެވެ. ނަމަވެސް މިހާރު ހޫނުވަމުން އަންނަ ކޮމެންޓުތަކުން އެނގެނީ ސަޕޯޓަރުން އުންމީދު ކުރަމުން ދިޔައީ މިއަށްވުރެ ހަރުދަނާ ސަބަބެއް އޭނާ ދައްކާނެކަމަށެވެ.
"އަހަރެން ވަރަށް މާޔޫސްވެއްޖެ އަނޫޖް އަނޫމާއާ ދުރުގައި ހުންނަން ޖެހުނު ސަބަބާ މެދު. މިއީ އުފާވެރި ދެމަފިރިއަކު ވަކިވާން ރަނގަޅު ސަބަބެއް ނޫން." ހިތްހަމަ ނުޖެހޭ މީހަކު ބުނެފައިވެއެވެ.
އެހެން މީހަކު ބުނެފައިވަނީ އަނޫޖްގެ ވާހަކަތައް އެހާ އޮޅުން ބޮޅުން ބޮޑުކަމަށެވެ.
"އަހަންނަކަށް ނުވިސްނޭ ކީއްވެގެން ކަމެއް އޭނައަށް އަނޫމާ ގާތު ހުރިހާ ކަމެއް އަވަހަށް ނުބުނެވުނީސް. މިއީ އެހާ ލަޖިކަލް ކަމެއް ނޫން. އަނޫޖް އަށް އަނޫޕްމާ އާއި ދުރުގައި ނުހުރެ ފަސޭހައިން މާޔާ ބަލަހައްޓާލެވުނީސް."
އަނުޕަމާއާއި އަނޫޖް މިހާލަތު ހައްލުކުރާނީ ކިހިނެއްކަން ދެން އެނގޭނީ މި ސީރީޒްގެ ކުރިއަށް ހުރި އެޕިސޯޑުތައް ބެލުމުންނެވެ. ނަމަވެސް އެމީހުންގެ ސަޕޯޓަރުން ކަންކަން ހިނގަމުންދާ ގޮތާމެދު ހިތްހަމަ ނުޖެހޭކަން ސާފުވެއެވެ.
43%
ކަމުގޮސްފި
14%
އަޑުއެހިތާ މިހުރީ
14%
ސަތޭކައަކުން ސުމެއް
29%
ވަރަށް ސަލާމް
ކޮމެންޓްސް
