މިގޮތުން އެ މައްސަލަ ހުށަހަޅުއްވަމުން ހުސެން މުހައްމަދު ވިދާޅުވެފައިވަނީ ބަންޑާރަ ނައިބު ފޮނުއްވާފައިވާ 31 ވަނަ ނުކުތާގައި ބަންޑާރަ ނައިބުގެ މަސައްކަތާ ގުޅިގެން މަޖިލީހުން އެ ފަރާތަށް ސުވާލުކޮށް ޖަވާބު ހޯދިދާނެކަމަށް ދެކިވަޑައިނުގަންނަވާކަމަށް ދޭހަވާ މޭރުމުން އިބާރަތްކޮށްފައިވާކަމީ "މުޅި މަޖިލީހަށް ކޮށްފައިވާ މަލާމާތެއްކަމުގައި" ދެކިލައްވާކަމަށް ވެސް ވިދާޅުވެފައިވެއެވެ.
އެހެންކަމުން ރައްޔިތުންގެ މަޖިލީހުން ޖަވާބު ބޭނުންވެގެން ކޮންމެ ކަމެއްގައި ތެދުބަހުން ޖަވާބު ނުދެއްވައި އެކަމަށް ޖަދަލުކުރުމަކީ ކުރެވޭނެކަމެއް ނޫންކަމަށް ވެސް މައްސަލަ ހުށަހެޅުއްވި މެންބަރު ވިދާޅުވިއެވެ.
މެންބަރު އެދިލައްވާފައިވަނީ މި މައްސަލަ މަޖިލީހުގެ އިމްތިޔާޒާ ބެހޭ ކޮމެޓީއަށް ފޮނުވުމަށެވެ.
ރައްޔިތުންގެ މަޖިލީހުގެ ރައީސް މުހައްމަދު ނަޝީދު ވަނީ އެ މައްސަލައާމެދު ރައްޔިތުންގެ މަޖިލީހުގެ މެންބަރުން ބަހުސްކުރަން ފެނިވަޑައިގަންނަވާތޯ ނުވަތަ ނޫންތޯ ބެލުމަށް ވޯޓެއް ނެންގެވިއެވެ. ނަމަވެސް އެ މައްސަލަ ފާހެއް ނުވިއެވެ. އެހެންކަމުން އެ މައްސަލަވަނީ މަޖިލީހުގެ އިމްތިޔާޒު ކޮމެޓީއަށް ފޮނުވާފައެވެ.
