ގުރައިދޫ ހާއްސަ އެހީއަށްބޭނުންވާ މީހުންގެ މަރުކަޒު
ހާއްސައެހީއަށް ބޭނުންވާ މީހެއްގެ އެކައުންޓުން ވައްކަންކޮށްފި
ރިފާއު ރަޝީދު
13 ޖޫން 2023 - 10:27:26
ކ.ގުރައިދޫގައި ހިންގަމުންދާ ހާއްސައެހީއަށް ބޭނުންވާ މީހުންގެ މަރުކަޒުގައި ހުރި، ހާއްސަ އެހީއަށް ބޭނުންވާ ފަރާތެއްގެ އެކައުންޓުން ފައިސާ ނެގި މައްސަލައިގައި އެ މަރުކަޒުގެ މުވައްޒަފަކު ސަސްޕެންޑް ކޮށްފިއެވެ.
ޖެންޑާ މިނިސްޓްރީން ބުނީ ގުރައދޫގައި ހުންނަ ޚާއްސަ އެހީއަށް ބޭނުންވާ މީހުންގެ މަރުކަޒުގެ މުވައްޒަފަކު އެތަނުގެ ބެލުމުގެ ދަށުގައިވާ ބަލި މީހެއްގެ އެކައުންޓުން ފައިސާ ނެގި މައްސަލައެއް ބަލަމުންދާ ކަމަށެވެ.
އަދި އެފަރާތުގެ ކާޑު ބޭނުން ކޮށްގެން އޭ.ޓީ.އެމް އިން ޓްރާންސެކްޝަންތަކެއް ހަދާފައިވާ ކަމަށް ބުނާ މައްސަލަ ބަލާ ނިމެންދެން މައްސަލައިގައި ތުހުމަތު ކުރެވިފައިވާ މުވައްޒަފު މަސައްކަތުން އެކަހެރިކޮށްފައިވާ ކަމަށް ޖެންޑާއިން ވަނީ ބުނެފައެވެ.
" މައްސަލަބަލައި ވަކިގޮތަކަށް ނިމެންދެން މުވައްޒަފު ވަނީ ސަސްޕެންޑް ކުރެވިފައި " ޖެންޑާ މިނިސްޓީން ބުންޏެވެ.
ހާއްސަ އެހީއަށް ބޭނުންވާ މީހުންނާއި މެދު އިހުމާލުވާ މައްސަލައާއި އަނިޔާ ކުރާ މައްސަލަ ދޭތެރެ ދޭތެރެއިން ދަނީ ފެންމަތިވަމުންނެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
